گېرمانىيىدىكى ئۇيغۇر ئاياللىرى 8-مارت ئاياللار بايرىمىنى تەبرىكلىدى

گېرمانىيىنىڭ ميۇنخېن شەھىرىدىكى 60 تىن ئارتۇق ئۇيغۇر ئاياللىرى 3-ئاينىڭ 9-كۈنى بىر سورۇنغا جەم بولۇپ، خەلقئارا ئاياللار بايرىمىنى بىرلىكتە تەبرىكلىدى.
ئىختىيارىي مۇخبىرىمىز ئەكرەم
2012.03.12
germaniye-ayallar-bayrimi-305.jpg گېرمانىيىدىكى ئۇيغۇر ئاياللىرى 8-مارت ئاياللار بايرىمىنى تەبرىكلىدى. 2012-يىلى 9-مارت، ميۇنخېن.
RFA/Ekrem
u0312-ekrem.mp3
ﺋﺎﯕﻼﺵ ﺋﺎﯞﺍﺯﻧﻰ ﻛﯚﭼﯜﺭﯛﺵ

گېرمانىيە ئۇيغۇر ئاياللىرى كومىتېتىنىڭ رەئىسى گۈلنار خانىمنىڭ بىلدۈرۈشىچە، بۇ پائالىيەت ياۋروپا شەرقىي تۈركىستان بىرلىكى تەشكىلاتى بىلەن د ئۇ ق ئاياللار كومىتېتىنىڭ بىرلىكتە تەشكىللىشى ئارقىلىق ئورۇنلاشتۇرۇلغان. پائالىيەتكە ئاياللاردىن باشقا يەنە بالىلارمۇ قاتناشتى. ئاياللار كومىتېتى تەرىپىدىن خانىم-قىزلارغا سوۋغىلار تەقدىم قىلىندى.

germaniye-ayallar-bayrimi1-385.jpg
گېرمانىيىدىكى ئۇيغۇر ئاياللىرى 8-مارت ئاياللار بايرىمىنى تەبرىكلىدى. 2012-يىلى 9-مارت، ميۇنخېن.
RFA/Ekrem

بايرام مۇناسىۋىتى بىلەن بىر سورۇنغا جەم بولغان ئۇيغۇر ئاياللىرى ئۆز نۆۋىتىدە يەنە، گېرمانىيىدىكى ئۇيغۇر ياش-ئۆسمۈرلىرىنىڭ ئۇيغۇر تىلى، مەدەنىيىتى، ئۆرپ-ئادەتلىرىنى ساقلاپ قېلىشتەك مىللىي كىملىكىنى قوغداش مەسىلىلىرىگىمۇ كۆڭۈل بۆلدى. گېرمانىيە ئۇيغۇر ئاياللىرى كومىتېتىنىڭ رەئىسى گۈلنار خانىم ميۇنخېندا ئېچىلغان ئۇيغۇر بالىلارنى ئۇيغۇر كىملىكى بويىچە تەربىيىلەش كۇرسىغا بارلىق ئاتا-ئانىلارنىڭ كۆڭۈل بۆلۈشىنى تەلەپ قىلدى.

بۇ سورۇنغا جەم بولغان بەزى ئۇيغۇر ئاياللىرى ئۆز تەسىراتلىرىنى بىلدۈرۈشۈپ، بۇ خىل پائالىيەتلەرنىڭ قېرىنداشلىق مېھرى-مۇھەببەتنى كۈچەيتىدىغانلىقىنى تەكىتلەشتى. شائىرلار بولسا ئاياللار شەنىگە بېغىشلانغان شېئىرلارنى ئوقۇپ، سورۇن كەيپىياتىنى جانلاندۇردى.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.