Германийидики уйғур аяллири 8-март аяллар байримини тәбриклиди
2012.03.12
Германийидики уйғур аяллири 8-март аяллар байримини тәбриклиди. 2012-Йили 9-март, мюнхен.
Германийә уйғур аяллири комитетиниң рәиси гүлнар ханимниң билдүрүшичә, бу паалийәт явропа шәрқий түркистан бирлики тәшкилати билән д у қ аяллар комитетиниң бирликтә тәшкиллиши арқилиқ орунлаштурулған. Паалийәткә аяллардин башқа йәнә балиларму қатнашти. Аяллар комитети тәрипидин ханим-қизларға совғилар тәқдим қилинди.
Байрам мунасивити билән бир сорунға җәм болған уйғур аяллири өз нөвитидә йәнә, германийидики уйғур яш-өсмүрлириниң уйғур тили, мәдәнийити, өрп-адәтлирини сақлап қелиштәк миллий кимликини қоғдаш мәсилилиригиму көңүл бөлди. Германийә уйғур аяллири комитетиниң рәиси гүлнар ханим мюнхенда ечилған уйғур балиларни уйғур кимлики бойичә тәрбийиләш курсиға барлиқ ата-аниларниң көңүл бөлүшини тәләп қилди.
Бу сорунға җәм болған бәзи уйғур аяллири өз тәсиратлирини билдүрүшүп, бу хил паалийәтләрниң қериндашлиқ меһри-муһәббәтни күчәйтидиғанлиқини тәкитләшти. Шаирлар болса аяллар шәнигә беғишланған шеирларни оқуп, сорун кәйпиятини җанландурди.
Көп көрүлгән хәвәрләр
RFA
- 3 Чоң тәшкилат бирликтә “хәлқара уйғур мунбири” намида йиғин чақиридиғанлиқини елан қилди
- Түркийәдә оқуған сүбһи турсунниң үрүмчи ғалибийәт сақчиханиси тәрипидин тутулғанлиқи дәлилләнди
- Япон парламент әзалири: “уйғурларни қоғдаш японийәни қоғдаштур”
- Канададики дөләт мисралири байримида “уйғур” намида чедир тикилгән
- Америкада уйғурлар һәққидә тонуштурулған йеңи қанун лайиһәси американиң зулумға қарши ирадисини намайән қилған