ئالماتادا كۆرنەكلىك مەرىپەتچى ھېنىپاخۇن باراتوف خاتىرىلەندى

24-ئاپرېل كۈنى ئالماتا شەھىرىنىڭ ئاۋېزوف ناھىيىسىگە قاراشلىق ئابدۇللا روزىباقىيېف نامىدىكى 153-ئۇيغۇر مەكتەپ-گىمنازىيىسىدە كۆرنەكلىك مەرىپەتچى، مەزكۇر مەكتەپنىڭ سابىق مۇدىرى ھېنىپاخۇن باراتوفنىڭ 80 يىللىق تەۋەللۇدى مۇناسىۋىتى بىلەن خاتىرىلەش مۇراسىمى بولۇپ ئۆتتى.
ئىختىيارىي مۇخبىرىمىز ئويغان
2012-04-30
Share
telman-baratog-mesimjan-zulpiqarof-zerip-molotof-305.jpg سۈرەتتە: ئالماتادا كۆرنەكلىك مەرىپەتچى ھېنىپاخۇن باراتوفنى خاتىرىلەش پاالىيىتىدە، (سولدىن ئوڭغا) تەلمان باراتوف، مەسىمجان زۇلپىقاروف، زەرىپ مولوتوف. 2012-يىلى ئاپرېل، ئالماتا.
RFA/Oyghan

زىيالىيلار، ھەر خىل كەسىپ ئىگىلىرى، ئۇستازلار ۋە ئوقۇغۇچىلار قاتناشقان مەزكۇر پائالىيەتتە ئالدى بىلەن مەرھۇمنىڭ نامىدا ئوقۇش كابىنېتىنىڭ ئېچىلىش مۇراسىمى بولۇپ، ئاندىن ئۇنى ئەسلەش يىغىنى داۋام قىلدى. يىغىندا سۆزگە چىققان جۇمھۇرىيەتلىك ئۇيغۇر ئېتنو-مەدەنىيەت مەركىزى مائارىپ كېڭىشىنىڭ رەئىسى ئېمىليان ئۇشۇروف، مەزكۇر مەكتەپنىڭ سابىق مۇدىرلىرى ئاتاقلىق يازغۇچى مەسىمجان زۇلپىقاروف، تېلمان باراتوف ۋە زېرىپ مولوتوفلار، مەكتەپ-گىمنازىيەنىڭ مۇدىرى شاۋكەت ئۆمەروف، شۇنداقلا ھ. باراتوفنىڭ كەسىپداشلىرى ۋە شاگىرتلىرى، يۇرت-جامائەتچىلىك ۋەكىللىرى، ئۇنىڭ قېرىنداشلىرى، ئائىلە ئەزالىرى، دوست-بۇرادەرلىرى ۋە باشقىلار مەرھۇمنىڭ مىللىي مائارىپ ۋە جەمئىيەتلىك ئىشلاردا ئاتقۇرغان پائالىيەتلىرى، ئىنسانىي پەزىلەتلىرى ئۈستىدە توختىلىپ، مائارىپنىڭ خەلق ھاياتىدىكى ھەم مىللىي كىملىكىدىكى رولى ۋە ئەھمىيىتىنى ئالاھىدە تەكىتلىدى. يىغىن داۋامىدا ئۇستاز ۋە ئوقۇغۇچىلار تەرىپىدىن تەييارلانغان كونسېرت پروگراممىسى كۆرسىتىلدى.

رادىئومىز زىيارىتىنى قوبۇل قىلغان مەزكۇر مەكتەپ-گىمنازىيەنىڭ سابىق ئۇستازى باھار ھەدە رەھمىتۇللايېۋا ھ. باراتوف ھەققىدە ئەسلىمىلىرىنى بايان قىلدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت