Йомби тона: "11 уйғур қачқунниң қоғдилиш һәққи бар!"

Мухбиримиз әзиз
2018-02-27
Share

Тайланд түрмисидин қечип чиққан 11 уйғур малайшияда тутулуп һазирғичә тәқдириниң қандақ болидиғанлиқи һәққидә һәр хил тәхминләр оттуриға чиқмақта. 26-Феврал малайшия баш министири нәҗиб разаққа йезилған очуқ хәт түпәйли бу мәсилә йәнә бир қетим ахбарат васитилириниң диққитини қозғиди.

Баш оргини тайландниң баңкок шәһиридики "асия-тинч окян қачқунлар һоқуқи тори" тәшкилати әвәткән бу очуқ хәттә малайшия баш министири нәҗиб разақтин малайшияда қолға елинған 11 уйғур қачқунни б д т мусапирлар комитетиниң хәлқаралиқ қанун бойичә бир яқлиқ қилишиға өткүзүп бериши җиддий тәләп қилинған. Мәлум болушичә, бу тәшкилат 28 дөләттики 320 пуқрави тәшкилаттин тәркиб тапқан хәлқаралиқ тор бирлики болуп, асия вә тинч окян районидики қачқунларниң һәқ вә һоқуқлириға даир мәсилиләрни бир яқлиқ қилидикән.

Мәзкур очуқ хәттә бу уйғур қачқунларниң хитайдики зулум сәвәблик чәтәлгә қечишқа мәҗбур болғанлиқини, әмдиликтә бу 11 уйғурни малайшия һөкүмити мәҗбурий йосунда хитайға қайтуруп бәрсә бу уларни қарап турупла өлүмгә иттәргәнликкә баравәр икәнлики, шуңа малайшия һөкүмитиниң өзлири имза қойған хәлқаралиқ мусапирларниң қоғдаш әһдинамилиригә риайә қилиши лазимлиқи алаһидә әскәртилгән.

"малай тори" ниң 27-февралдики хәвиридә болса малайшия билән хитайниң өткән йили 96 милярд америка доллирилиқ сода мунасивитидә болғанлиқи һәмдә бу хил мунасивәттин малайшия баш министири нәҗиб разақниң алаһидә мәмнун икәнлики қәйт қилиниду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт