Amérikaning 4-iyuldiki musteqilliq künide döletning herbiy küchi namayan qilindi

Muxbirimiz sada
2019-07-05
Share

4-Iyuldiki amérikaning musteqilliq künide milyonlighan amérika xelqi washin'gtondiki linkolin xatire sariyi aldigha yighilip, amérika musteqilliqining 243-yilini tebriklidi. Kechqurun paytext washin'gtonda étilghan salyotlar kéche asminini bézidi.

Shu küni amérika prézidénti donald tramp linkolin xatire sariyi aldida "Amérikagha éhtiram" dégen témida nutuq sözlidi. U nutqida munularni bildürdi: "Bügünkidek alahide bir künde biz pütün dölet boyiche amérikagha hörmet bildürüwatimiz. Biz bügün shanliq tariximizni, amérika xelqini we bayriqimizni sherep bilen qoghdighan qehrimanlirimizni tebriklewatimiz."

Bu yilqi musteqilliq künidiki murasimda ilgiri körülüp baqmighan bir yéngiliq qoshulghan. Yeni amérika hawa armiyesining herbiy quwwitini namayan qilidighan yuqiri téxnikiliq bobardimanchi ayropilanlar bilen küreshchi ayropilanlar washin'gton asminida uchup öz heywisini namayan qilghan.

Közetküchiler amérikaning musteqilliq künidiki bu herbiy parat muhim tarixiy ehmiyetke ige dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet