Абидиләргә сир чачқан хитай аял үстидин сот ечилди

Мухбиримиз җүмә
2013-08-03
Елхәт
Пикир
Share
Принт

Америка пайтәхтидики муһим абидиләргә сир чечип бузғунчилиқ қилғанлиқи үчүн қолға елинған хитай аял үстидин җүмә күни йәнә сот ечилип, сотчи уни тутуп туруш орниға қамаш вә путиға из қоғлаш үскүниси бекитишкә буйруди.

Сотчи униң йоқлап кәлгүчиләр билән көрүш һоқуқиниму бикар қилди.

Америка пайтәхти сақчилири тйән җямеи исимлик бу хитай аялни дүшәнбә күни вашингтондики дөләтлик чоң черкав-кафедралдики һәйкәл вә чалғуларға сир чечиватқанда қолға алған вә уни «шәхсий мал-мүлүккә бузғунчилиқ қилиш җинайити» билән сотқа тартқан иди.

Бундин бир нәччә күн илгири америка пайтәхти вашингтондики линколин хатирә сарийи қатарлиқ орунларниң йешил сир билән булиғанлиқи хәвәр қилинған. Нөвәттә тйән җямеиниң бу җинайәтләрниму садир қилған болуши мумкинлики тәхмин қилинған.

Әгәр тйән җямеиға артилған «шәхсий мал-мүлүккә бузғунчилиқ қилиш җинайити» дәлилләнсә, униңға 10 йиллиқ қамақ җазаси берилиши мумкин икән.

Сақчиларниң билдүрүшичә, тйән җямеи қолға елинғанда униң қолида хитай паспорти вә сурики өтүп кәткән америка вазиси бар икән.

Пикирләр (0)
Share
Толуқ бәт