Хитай сақчилириниң адәмсиз чарилиғучи машинилири қарамайда ишқа кириштүрүлгән

Мухбиримиз җәвлан
2022.06.29
Share on WhatsApp
Share on WhatsApp

Хитайниң һөкүмәт торлирида ашкарилинишичә, қарамай шәһәрлик сақчи идариси 29-июн күнидин башлап, җуңке тйәнҗи ширкити синақ қилип ишләпчиқарған 20 данә адәмсиз чарлаш машинисини рәсмий ишқа кириштүргән.

Қарамай шәһәрлик сақчи идарисиниң башлиқи җав гошин бу машиниларни махтап: “сақчи бәлгиси чүшүрүлгән бу машинилар қарамай шәһиридики асаслиқ сода мәркәзлири, саяһәт нуқтилири вә бәзи мәһәллиләрни синақ тәриқисидә 24 саәт чарлайду. Улар бу шәһәрдики камералар толуқ қаплиялмиған җайларни көзитиш мәсилисини һәл қилипла қалмай, сақчилар, дрон (адәмсиз учақ) вә видийолуқ назарәт системиси билән биллә пүтүн шәһәрниң булуң-пушқақлирини тәқип қилиш, пүтүн әһвални билип туруш вә тоғра сигнал бериш вәзиписини иҗра қилиду,” дегән.

Тонуштурушларға қариғанда, игизлики 1.6 Метир, узунлуқи 1.8 Метир, кәңлики 1 метир келидиған бу машиниларға аптоматик һәрикәтлиниш техникиси болған лазир нурлуқ радар, қош көзлүк сәзгүр камера, соқулуштин агаһландуруш сензори қатарлиқ 15 түрлүк техника сәпләнгәндин башқа, чирай тонуш, кимлик тонуш, тәсвири код тонуш, машиниларниң номур тахтисини тонуш, бир конупка билән сақчиға мәлум қилиш қатарлиқ иқтидарлар қошулған.

Америкалиқ мухбир вә язғучи җеффири кен “мукәммәл сақчи дөлити” намлиқ китабида уйғур районидики қорқунчлуқ тәқип вә назарәт системисини баян қилғаниди. Униң билдүрүшичә, хитай сақчи даирилири уйғурларниң һәммисини зәрбә бериш обйекти дәп қарап, уларниң биологийәлик учурлирини йиғиш билән биргә, йүз тонуш, из қоғлаш техникисини “бир гәвдиләштүрүлгән башқуруш суписи” да ишләткән. Қарамайда ишқа кириштүрлгән бу адәмсиз чарлаш машинилири хитай һөкүмитиниң йиллардин бери давамлаштуруп келиватқан тәқип-назарәт системисиниң техиму күчийидиғанлиқи вә башқа җайларғиму омумлишидиғанлиқини көрситидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт