Bu yil 3269 neper aliy mektep oqughuchisi Uyghur diyarining kent kadirliri qoshunigha seplinidiken

Muxbirimiz qutlan
2017-03-27
Élxet
Pikir
Share
Print

Da'iriler yéqinda "Boghda köli pilani" ni yene ishqa kirishtürüp, bu yil ichide jem'iy 3269 neper aliy mektep oqughuchisini Uyghur aptonom rayoni tewesidiki kentlerge "Kent kadiri" qilip sepleydighanliqini élan qilghan.

Shinxu'a torining xewirige qarighanda, atalmish "Boghda köli pilani" boyiche ikkinchi türkümdiki aliy mektep oqughuchilirini kent kadirliqi wezipiside chéniqturush ishi "Her bir kentte birdin aliy mektep oqughuchisi bolush" ni ishqa ashurush üchün iken.

Igilinishiche, "Boghda köli pilani" Uyghur aptonom rayonluq partkom teshkilat bölümining 2015-yili yolgha qoyghan "Tayanch kadirlarni asasiy qatlamda chéniqturush" pilani bolup, uningda namzatlar eger partiye ezasi bolsa kent partiye yachéykisining sékrétar yardemchisi bolup ishleydiken. Namzatlar eger partiyesiz bolsa kent bashliqining yardemchisi bolup xizmet qilidiken.

Xewerde déyilishiche, ular aliy mektepni emdila püttürgen yaki aliy mektepni oquwatqan "Terbiyelesh obyékti" tizimigha kirgen 32 yashtin töwen oqughuchilar bolup, ularning kent kadiri bolup chéniqish mudditi ikki yil bolidiken.

Mezkur pilan boyiche kent kadirliqigha seplinidighan aliy mektep oqughuchilirining 60 pirsenttin köpreki jenubtiki 3 wilayet bir oblastqa ewetilidiken.

Közetküchiler, aldinqi qararda kent kadirliqigha ewetilgen aliy mektep oqughuchilirining mutleq köp qismining xitaylar ikenlikini, ularning nöwette jenubiy Uyghur diyaridiki kentlerning sékrétarliqini asta-asta monopol qilishqa bashlighanliqini ilgiri sürmekte.

Toluq bet