ئامېرىكا-خىتاي يۇقىرى دەرىجىلىك ئەمەلدارلار سۆھبىتىدە ئۇيغۇرلار مەسىلىسى مۇزاكىرە قىلىندى

مۇخبىرىمىز ئەزىز
2021-10-06
Share

ئامېرىكا پرېزىدېنتتىنىڭ دۆلەت بىخەتەرلىك ئىشلىرى مەسلىھەتچىسى جېك سۇللىۋان 6-ئۆكتەبىر كۈنى خىتاي كومپارتىيەسى سىياسىي بيۇروسىنىڭ ئەزاسى، خىتاي تاشقى ئىشلار ئىشخانىسىنىڭ مۇدىرى ياڭ جېچى بىلەن شىۋېتسارىيەنىڭ زۈرىك شەھىرىدە سۆھبەتلەشكەن.

ئاقساراينىڭ بۇ ھەقتىكى خەۋىرىدە ئېيتىلىشىچە، بۇ ئامېرىكا پرېزىدېنتى جوۋ بايدېن بىلەن خىتاي رەئىسى شى جىنپىڭنىڭ 9-سېنتەبىردىكى تېلېفون سۆھبىتىدىن كېيىن ئوتتۇرىغا چىققان يەنە بىر يۇقىرى دەرىجىلىك سۆھبەت ھېسابلىنىدىكەن. سۆھبەتتە ئىككى تەرەپ ھەر قايسى تەرەپ ئوخشاشلا كۆڭۈل بۆلىدىغان كۆپلىگەن ئورتاق تېمىلار ھەققىدە پىكىر ئالماشتۇرغان.

خەۋەردە سۆھبەتنىڭ كونكرېت مەزمۇنى تىلغا ئېلىنمىغان بولۇپ، مەلۇم بولۇشىچە سۆھبەت جەريانىدا ئۇيغۇرلار مەسىلىسى، خوڭكوڭ مەسىلىسى ۋە تەيۋەن بوغۇزىدىكى ۋەزىيەت قاتارلىقلار مۇھىم تېما بولغان.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت