Aqsuda bir mu'ellimning balilar bixeterliki heqqidiki teklipi walining ret qilishigha uchrighan

Aqsu sheher ichidiki chong yollardin biri bolghan ma'arip yolida yéqinqi yillardin béri mektep balilirining aptobusigha soqulup kétish weqeliri birqanche qétim yüz bergen.

Bundaq bolushigha, ma'arip yolining yéterlik derijide keng bolmasliqi, bu yol yaqisida 3 mektep jaylashqan bolup, derstin chüshken mezgilde qatnash qistangchiliqigha duch kélishi seweb bolghan. Bu ehwalning jiddiylikini tonup yetken bir oqutquchi yéqinda aqsu wilayetlik tor bétige namsiz xet yézip, aqsu walisidin mezkur ehwalgha diqqet qilishni we balilarning bixeterlikini kapalet astigha élish üchün ma'arip yolida piyadiler we wélisipit yoli berpa qilishni telep qilghan.

Torbettiki melumatliridin qarighanda, aqsu walisi mezkur teklipke jawab qayturghan. Emma jawabida aqsuning nöwette iqtisadiy jehette qiyinchiliqta ikenlikini seweb körsitip, mezkur yolni hazirche ongshimaydighanliqini éytqan.