BBC Мухбири җон судворс хитайда һаятий хәвпкә учриған

Мухбиримиз ирадә
2021-03-31
Share

Әнгилийә б б с(CBB) хәвәрләр ториниң хитайда турушлуқ мухбири җон җон судворс тәһдиткә учриған вә һаятий бихәтәрликини көзләп хитайдин айрилишқа мәҗбур болған. Хитайдики чәтәллик мухбирлар кулуби униң тәһдиткә учришиға уйғурлар һәққидә ишлигән хәвәрлири сәвәб болғанлиқини билдүргән.

FCCC Тивиттерда мундақ дегән: "хитай даирилири униңдин шинҗаң мәсилиси вә корона вирусигә даир мәсилиләрни хәвәр қилғанлиқи үчүн өч алғандәк қилиду".

Җон судворт "BBC" ниң тоққуз йилдин бери хитайда хизмәт қиливатқан мухбири болуп, у көп қетим мукапатқа еришкән. У йеқинда хитай һөкүмитиниң уйғурларни мәҗбурий әмгәккә селиватқанлиқи һәққидә бир тәпсили хәвәр ишләп тарқитип зор ғулғула қозғиған. Әйни чағда хитай һөкүмити CBB'ни қаттиқ тәнқид қилип, уни "сахта хәвәр ишлиди" дәп әйиблигән. Шуниң билән охшаш вақитта җон судвортқа қаритилған тәһдитләр күчийип кәткән.

CBBХәвәрләр тори тивиттирдики ипадисидә хитайда турушлуқ җон судворт 23-март күни өзи вә аилисидикиләрниң бихәтәрликини нәзәрдә тутуп хитайдин айрилғанлиқи вә һазир тәйвәнгә орунлашқанлиқини җакарлиған. CBBЙәнә "җонниң хәвәрлири хитай даирилири дуняниң билишини халимайдиған һәқиқәтләрни ашкарилиди." дегән.

Судворт паракәндә қилиш вә тәһдит қилиш йоли арқилиқ хитайдин айрилишқа мәҗбур болған тунҗи чәтәл мухбири әмәс. Хитайдики чәтәллик мухбирлар кулуби җонниң вәқәсини хитайниң чәтәллик мухбирларни қорқутуш арқилиқ уларниң хизмитигә тосқунлуқ қилиш пиланиниң бир қисми, бу хитайдики чәтәл мухбирлириға қаритилған бесимниң йәниму күчәйгәнликидин дерәк бериду, дегән.

Мәлум болушичә, хитай бултур кәм дегәндә 18 чәтәллик мухбирни үнүмлүк қоғлап чиқарған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт