Канада парламент әзалири: б д т ниң кишилик һоқуқ доклати федиратсийә һөкүмитини һәрикәткә кәлтүрүши керәк

Мухбиримиз җәвлан
2022.09.07
Share on WhatsApp
Share on WhatsApp

31-Авғуст күни бирләшкән дөләтләр тәшкилати кишилик һоқуқ ишханиси уйғур райони һәққидики кишилик һоқуқ доклатини елан қилип, “уйғур вә башқа мусулман хәлқләрни коллектип тутқун қилиш вәқәси хәлқара җинайәт, болупму инсанийәткә қарши җинайәт шәкилләндүрүши мумкин” дегән йәкүнни чиқарған иди. Шундин кейин, канада консерватиплар партийәсидин гарнет җениюс (Garnett Genuis), солчилар партийәсидин алексис бруннел (Alexis Brunelle), әркинлик партийәсидин самер зубәри (Sammer Zuberi) қатарлиқ парламент әзалири күчлүк инкас қайтурған.

The Hill Times Ториниң бу хәвиридә ейтилишичә, юқириқи парламент әзалири б д т ниң бу доклатиниң канада ташқий ишлар минситири милани җулийға тәсир көрситип, хитайниң бүгүнки җинайитигә инкас билдүрүшигә түрткә болушини үмид қилидиғанлиқини билдүргән. Чүнки хитайниң уйғурларға зиянкәшлик қиливатқанлиқи һәққидики бу доклат канада һөкүмитиниң күчлүк қоллишиға еришсә вә улар бу хил зораванлиққа қарши турса, көңүлдикидәк иш болидикән.

Гарнет җениюс мундақ дегән: “һөкүмәт чоқум ирқий қирғинчилиқ пәйда қилиши мумкин болған бу испатларға инкас қайтуруши керәк. Һөкүмәтниң бу һәқтә баянат елан қилишни халимаслиқи уларниң бу мәсулийәтни үстигә алмаслиқи билән мунасивәтлик. Әмма уларниң шундақ мәсулийәтлири бар”.

Хәвәрдә йәнә канада “уйғур һәқлирини қоғдаш қурулуши” ниң директори мәмәт тохтиниң сөзи нәқил елинған болуп, униң билдүрүшичә, бирләшкән дөләтләр тәшкилати баян қилған бу җинайәтниң еғирлиқини нәзәрдә тутқанда, канада һөкүмитиниң униңға инкас қайтурмиғанлиқи өз мәсулийитини ада қилмиғанлиқи һесаблинидикән. Канада һөкүмити мәҗбурий әмгәкни тохтитиш үчүн хитайниң маллириға чоқум чәклимә қоюши керәк икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.