Б д т кишилик һоқуқ алий комиссари хитай һөкүмити билән уйғур дияри зиярити тоғрилиқ музакирә қилмақтикән
Б д т кишилик һоқуқ алий комиссари мишел бачилет 14-сентәбир күни җәнвәдә уйғурларға тутқан қорқунчлуқ муамилиси сәвәблик күчлүк бесимға учраватқан хитай даирилири билән уйғур дияри зиярити һәққидә музакирә елип бериванлиқини билдүргән. Лекин у музакириниң конкрет тәпсилатини ашкарилимиған. Мишел бачилет илгири бир қанчә қетим уйғур дияридики лагерларни тәкшүрүшни тәләп қилған болсиму, лекин хитай тәрәпниң униңға шәрт қошуп, мустәқил вә тәрәпсиз хәлқара тәкшүрүш елип беришни рәт қилиши сәвәблик униң зиярити һазирға қәдәр әмәлгә ашмиған иди.
Ройтерс агентлиқиниң хәвәр қилишичә, мишел бачилет б д т кишилик һоқуқ кеңишиниң йиғида мундақ дегән: "ишханам хитай һөкүмити билән уйғур аптоном райониниң вәзийити вә хитайниң сияситиниң кишилик һоқуққа көрситидиған тәсири һәққидә давамлиқ сөзлишиду." у йәнә хоңкоң вәзийити һәққидә тохтилип, хоңкоң даирилирини "хитай дөләт хәвпсизлики қануни" ниң иҗра қилиниш әһвалини йеқиндин көзитишкә, һәрқандақ бир сәлбий ақивәткә қарита тәдбир қоллинишқа илһамландуридиғанлиқини билдүргән.
Б д т кишилик һоқуқ кеңишиниң 42-нөвәтлик йиғини 9-сентәбир башланған. Мишел бачилет 14-сентәбир күни йиғинда ечилиш нутқи сөзләп, дуняниң омумий кишилик һоқуқ вәзийити һәққидә доклат бәргән. Б д т кишилик һоқуқ кеңиши 27-сентәбиргә қәдәр давамлишидиған бу нөвәтлик йиғинда кишилик һоқуқ мутәхәссислири, гуруппилири вә механизимлириниң доклатлирини көздин көчүридикән.
- Америкилиқ мухбир әмиля паң: "мән уйғурлуқумни кечикип һес қилдим"
- Бир нативан иди, қәһриман болди
- Ширзат бавдун билән "миллий мустәқиллиқни пиланлиған" лиқи ейтилған таһир аббас: "ширзат бавудун билән һечқачан көрүшүп бақмидим"
- Арафат әркин: "дадам мәҗбурий сөзлитилгән, хош болғиним у техи һаяткән"
- Адриян зенз: хитайниң гүлчеһрәни терорлуққа четип әйиблиши диққәт қозғашқа тегишлик йеңи тәрәққият
