B d t kishilik hoquq komissari bérmani rohénggaliqlargha "Étnik tazilash" élip bérish bilen eyiblidi

Muxbirimiz erkin
2017-09-11
Share

B d t kishilik hoquq aliy komissari ze'id ra'ad el-höseyin bérma (myenmar) hökümitini eyiblep, uning rohéngga musulmanlirigha qarita "Étnik tazilash qollanmiliridiki örnek" lerni ijra qiliwatqanliqini bildürdi.

Bérma armiyisi 8‏-ayning axirliridin bashlap rohéngga musulmanlirini basturushni kücheytkendin buyan, yüz minglighan rohénggaliqlar bén'galgha qéchip barghan. B d t musapirlar idarisi ötken jüme küni bén'galgha qéchip barghan rohénggalarning 270 minggha yetkenlikini bildürgen idi. Ra'ad el-höseyin, bérma armiyisi élip barghan rehimsiz tazilash herikitining xelq'ara qanunlargha xilap qilmish ikenlikini bildürgen hemde rohénggada öltürüsh, xorlash we basqunchiliq qatarliq zorawanliq heriketlirining keng kölemde ewj alghanliqini tekitligen. 

U yene, bérmaning basturushi "Xelqni zor kölemlik köchüshke mejburlap, ularning qaytip kélish yolini pütünley tosushtek exlaq mizan'gha xilap tüs alghanliqi" ni, bérmaning nechche on yillardin béri rohénggalarni puqraliq we siyasiy heqlerdin mehrum qilghanliqini bildürgen. Ra'ad el hüseyin bu sözlerni düshenbe küni bashlan'ghan b d t kishilik hoquq kéngishining pesillik yighinining échilish murasimida sözligen. 

Ra'ad el hüseyin sözide yene, xitay kishilik hoquq weziyiti heqqide toxtilip, xitayning kishilik hoquq adwukatlirigha tutqan mu'amilisidin endishe qiliwatqanliqini, xitayning kishilik hoquq tereqqiyatining tibet, Uyghur we bashqa az sanliq guruhlarnimu öz ichige élishi kéreklikini tewsiye qilghan. Biraq, bezi xelq'ara axbarat wasitiliri, uning xitay kishilik xatirisi heqqidiki sözi bek yumshaq bolup qaldi, dep tenqid qilindi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet