Берма даирилириниң роһинга мусулманлириға йүргүзүватқан һәрбий һәрикити хитайниң қоллишиға еришкән

Мухбиримиз ирадә
2017-09-14
Елхәт
Пикир
Share
Принт

Хитай һөкүмити берма даирилириниң роһинга мусулманлириға йүргүзүватқан һәрбий бастурушини қоллайдиғанлиқини билдүргән.

Ройтерз агентлиқиниң билдүрүшичә, берманиң дөләт ахбарат оргини бүгүн хәвәр берип, хитайниң бермадики баш әлчиси хоң ляңниң «бу дегән дөләтниң ички иши,» дәп ипадә билдүргәнликини алаһидә қәйт қилған.

Хәвәрдә ейтилишичә, хоң лияң йәнә «биз берма аманлиқ күчлириниң террорчиларға қилған қайтурма һуҗумини қарши алимиз,» дегән.

Һалбуки, б д т ниң баш катипи антонийо гуттерс чаршәнбә күни қилған сөзидә, берма һөкүмитиниң роһингаларға йүргүзгән бу һәрикитини «етник қирғинчилиқ» дәп атиған вә уни қаттиқ тәнқид қилған. У, берма һөкүмитини һәрбий һәрикәтни дәрһал аяғлаштуруп, зораванлиқни түгитишкә вә роһингаларниң барлиқ һоқуқлириға һөрмәт қилишқа чақирған.

Мәлум болушичә, берма армийисиниң роһинга мусулманлири яшап келиватқан рахинә районида елип барған һәрбий һәрикити нурғун кишиниң өлүмигә вә 400 миңдин артуқ кишиниң өй-маканини ташлап бенгалға қечишиға сәвәб болған. Бирақ, берма даирилири өзлириниң аталмиш «террорчилар» билән күрәш қиливатқанлиқини илгири сүрмәктә. Берма даирилири һазирғичә 432 «террорчи» ни өлтүргәнликини илгири сүрди.

Игилинишичә, бермадики бу қанлиқ вәқә нөвәттә бермада һакимийәт йүргүзүватқан нобел тинчлиқ мукапати саһиби аң саң сучиниң образиға дағ чүшүргән. Хәлқара җамаәтчиликтә униңға берилгән бу шәрәпни қайтурувелиш һәққидики чақириқлар күчәймәктә.

Пикирләр (0)
Share
Толуқ бәт