Германийә гезити «BILD»: ши җинпиң дуняни хәтәргә елип кетиватиду

Мухбиримиз әркин
2020-04-20
Елхәт
Пикир
Share
Принт

Германийәдики әң чоң гезит болған «BILD» гезитиниң баш муһәррири җулиян рейчилд сөз қилип, хитай баш секретари ши җинпиңниң дуняни хәтәргә елип кетиватқанлиқини билдүргән.

У сөзидә, ши җинпиң вә униң һакимийитиниң корона вирусида очуқ-ашкара болмиғанлиқи вә униң кишилик һоқуқ дәпсәндичиликини қаттиқ тәнқид қилған. У хитай «зәһәрлик тәҗрибиханилириниң немә үчүн сиясий мәһбуслар лагерлиридәк бихәтәр әмәслики» ни тәкитләп, униң буни дуняниң һәр қайси җайлиридики корона вирусиниң қайғу-һәсрәт ичидики қурбанлириға чүшәндүрүшини тәләп қилған.

Униң тәкитлишичә, ши җинпиң, униң һөкүмити вә тәтқиқатчилири корона вирусиниң бәк юқумлуқ икәнликини хели бурун билиши керәк болсиму, лекин у дуняни қараңғулуққа елип кәлгән. «BILD» Гезити буниң алдида тәһрират мақалиси елан қилип, хитайниң корона вирусидики җавабкарлиқи сәвәблик төләм төлиши керәкликини билдүргән. Хитайниң германийәдики әлчиханиси очуқ хәт елан қилип, җавабкарлиқни рәт қилған шундақла «BILD» гезитини тәнқидлигән иди.

Җулиян рейчилд өткән пәйшәнбә күни сөз қилип, хитай әлчиханисиниң тәнқидигә җаваб бәргән. Униң тәкитлишичә, хитай бурун назарәт дөлити, дәп аталған болса, мана әмди у «дуняни әҗәллик кесәллик билән юқумландурған назарәт дөлити, дәп аталмақта» икән.

«BILD» Гезити өткән һәптә елан қилған тәһрират мақалисидә, хитайниң корона вирусида германийәни 130 милярд явро зиянға учратқанлиқи, буни хитайниң төлиши керәкликини билдүргәниди.

Пикирләр (0)
Share
Толуқ бәт