Биткойн саһәсидики "‍уйғур амили" давамлиқ диққәт қозғимақта

Мухбиримиз әзиз
2021-05-31
Share

Йәр шари рәқәмлик пул саһәсидә биринчи орунда туруватқан биткойн (Bitcoin) йеқиндин буян уйғурлар дияридики мәҗбурий әмгәк вә инсанийәткә қарши җинайәтләр сәвәбидин кишиләрниң диққәт-етибарини қозғашқа башлиди.

"бломберг хәвәрлири" ториниң 30-майдики хәвиригә қариғанда, хитай һөкүмити гәрчә йеқинда рәқәмлик пул муамилә содисини мәни қилған болсиму, һазирқи мәвҗут биткойнларниң үчтин бирини тәшкил қилидиған миқдардики биткойинниң хитайда қезилишиға қарита һечқандақ тәдбир алмиған. Хәвәрдә ейтилишичә, бу биткойинлар уйғур диярида қезиливатқан болуп, буларниң қезилиши үчүн ишлитилидиған ғайәт зор компютер ториға керәклик толиму әрзан баһалиқ електр енергийәсигә көплигән гуманлар йошурунған икән. Йәнә келип һәр саһә кишилири нөвәттә ирқий қирғинчилиқ болуватиду, дәп қариливатқан бу райондики әрзан баһалиқ бу енергийәниң пүтүнләй көмүр көйдүрүштин һасил болуватқанлиқини, бу көмүрниң ишләпчиқирилишиға қанчилик мәҗбурий әмгәкниң арилишип кәткәнликигә бир нәрсә дейишкә болмайдиғанлиқини алаһидә тәкитлимәктә икән.

Хәвәрдә ейтилишичә, уйғур дияриниң көмүр қезилишидики мәһсулат сүрити 2017-йилидин буян һәссиләп ешип маңған болуп, бу райондики алюмин ишләпчиқириши вә қуяш енергийә тахтиси үчүн керәклик болған көкташларни қезишниң сүрити билән мас қәдәмдә көпийип маңған. Йәнә келип бу һал лагерларниң кеңийиши биләнму оң танасип чиқидикән. Шу сәвәбтин нөвәттә барғансери көп саһә биткойн һәққидә сәлбий йөнүлүшкә қарап силҗимақтикән.

Мәлум болушичә "тесла" ширкитиниң мәсули елан маскму биткойн һәққидә сөз қилип "буниң қезилишиға лазимлиқ енергийә үчүн көп миқдарда көмүр көйдүрилидиғанлиқи һәмдә муһитни еғир дәриҗидә булғайдиғанлиқи үчүн биткойинни һазирчә'тесла‹содисиға ишләтмәймиз" дегән икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт