Блинкен: "хоңкоң вә шинҗаң хитайниң ичкий иши әмәс"

2021-05-03
Share

Америка ташқий ишлар министири антони блинкен 2-май амеркадики CBS телевизийә қанилиниң "60 минут" намлиқ программисиниң зияритини қобул қилип, хоңкоң вә шинҗаң мәсилилириниң хитайниң ичкий иши әмәсликини билдүргән. Блинкенниң ейтишичә, хитай байден һөкүмити дуч кәлгән әң чоң ташқий сиясәт риқабәтчиси болуп, у қанун түзүм асасидики хәлқара тәртипкә тәһдит салмақта икән.

Блинкен мундақ дигән: "бу тәртипкә хрис қилған яки униңға бузғунчилиқ қилмақчи болған һәрқандақ бир дөләтни көргинимиздә, биз бу тоғрисида бир иш қилимиз. Биз орнимиздин дәс туруп бу системини қоғдаймиз."

Блинкен мухбирниң бу йил 3-айда аляскада хитайниң юқири дәриҗилик дипломати яң җйечи билән көрүшкәндә, яң җйечиниң американи хитайниң ичкий ишлириға арилишиш билән әйиблигәнлики, шуниңдәк американиң ичидики ишларни сораққа тартқанлиқи һәққидики суалиға җавап берип, "шинҗаң" ниң хитайниң ичкий иши әмәсликини ейтқан.

Блинкен мундақ дегән: "әмәлийәттә, яқ, булар униң (ичкий ишлири) әмәс. Хитай хәлқара универсал кишилик һоқуқ әһдинамисиға имза қоюп кишилик һоқуқ тоғрисида җиддий вәдиләрни бәргән. У ‍өзиниң бу вәдилиригә хилаплиқ қилмақта," дегән.

У хитайниң уйғурларға тутқан муамилисиниң "ирқий қирғинчилиқ" ‍икәнликини тәкитләп: "биз уйғурларниң туғулуш нисбитини азайтиш үчүн уларниң туғмас қилинғанлиқини көрдуқ… биз йәнә уларниң меңисиниң ююлғанлиқи, мәдәнийити вә өрп-адәтлириниң рәт қилинғанлиқи, уларниң пәқәтла уйғур болғанлиқи үчүн бастуруш һәрикәтлиригә нишан болғанлиқини көрдуқ," дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт