Антоний билинкен:"австралийәни ялғуз қоймаймиз!"

Мухбиримиз әзиз
2021-05-14
Share

Австралийә һөкүмити йеқиндин буян хитай һөкүмитиниң австралийәгә сиңип кириши, җүмлидин уйғурларни бастурушиға қарши кәскин ипадә билдүрүп келиватқанлиқи үчүн хитай өзиниң иқтисадий җәһәттики үстүнлүкигә тайинип австралийәни "қийнимақчи" болғаниди. Америка ташқи ишлар министири антоний билинкен 13-май күни бу һәқтә мәхсус сөз қилип "хитайниң иқтисадий бесимлири алдида америка һәргизму австралийәни ялғуз қоймайду" деди.

Ройтерс агентлиқиниң бу һәқтики хәвиридә ейтилишичә, антоний билинкен мухбирларни күтүвелиш йиғинида бу һәқтики соалларға җаваб бәргәндә юқириқи сөзни қилған. У сөзидә хитайниң бу хилдики иқтисадий козир арқилиқ американиң йеқин иттипақдишини "қисмаққа алмақчи" һәмдә уни бозәк қилмақчи болуштәк қилмишиниң америка-хитай мунасивитини техиму яманлаштуруштин башқа роли болмайдиғанлиқиниму алаһидә тәкитлиди. Униң бу сөзлири америка президенти җов байденниң "һинди-тинч окян иттипақи" бәрпа қилиш арқилиқ хитайниң бу райондики зомигәрликини чәкләш сиясити билән бир мәвқәдин чиққан, дәп қаралмақтикән.

Австралийә һөкүмити хитайниң G5 техникисини ашкара мәний қилған дөләтләрниң бири болуп, өткән йили йәнә таҗсиман вирусиниң мәнбәсини мустәқил тәкшүрүшни тәләп қилғаниди. Хитай һөкүмити бу ишлардин нарази болуп австралийәниң хитайға експорт қиливатқан мәһсулатлирини бикар қилиш қатарлиқ шәкилләр билән австралийәни бозәк қилишқа урунуп кәлгәниди. Австралийә ташқи ишлар министири мариса пайне ханимму бу һәқтә сөз қилип: "биз дөлитимизниң бихәтәрлики вә игилик һоқуқи мәсилисидә һечқачан мурәссә қилмаймиз" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт