Antoni bilinkin “Yumilaq üstel söhbiti” de axbarat erkinlikining muhimliqini tekitligen

Muxbirimiz jewlan
2022.09.20

Amérika tashqiy ishlar ministiri antoni bilinkin 9-ayning 19-küni birleshken döletler teshkilatining nyu-yorktiki binasida erkinlik pa'aliyetchiliri we muxbirlar bilen yumilaq üstel söhbiti ötküzgen.

Antoni bilinkin bu heqte özining tiwittér hésabida uchur yollap mundaq dégen: “Söz erkinlikige hörmet qilin'ghan jaydila jem'iyet tereqqiy qilidu. Bügün bu ‛chet ellik muxbirlar merkizi‚de muxbirlar we ijtima'iy pa'aliyetchilerning pikirlirini anglash pursiti bolghinigha, shundaqla ularning démokratiye we kishilik hoquqni qoghdash üchün qilghan muhim xizmetlirige teshekkür éytimen”.

Antoni bilinkin bu söhbette qilghan sözide mundaq dégen: “Bundaq söhbetni ‛chet ellik muxbirlar merkizi‚ de ötküzüsh tolimu muwapiq. Amérika söz erkinliki we axbarat erkinlikini qoghdash wediside ching turidu, chünki u saghlam démokratiyening asasi”.

Erkin asiya radiyosi Uyghur bölümidin bu yighin'gha qatnashqan gülchéhre xoja, amérika hökümitidin Uyghur muxbirlirini we ularning wetendiki a'ile ezalirini qoghdash üchün heriket qilishni telep qilghan. Antoni bilinkinmu Uyghur muxbirlardin hal soraydighanliqini we ularning a'ile weziyitini yaxshilashqa tirishchanliq körsitidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.