Chaghanda xitayning béyjing, tyenjin qatarliq sheherliride muhit bulghinishi éghir boldi
2017.01.31
Xitay hökümet taratqulirining xewer qilishiche, bu yilliq chaghan mezgilide xitayning béyjing, tyenjin qatarliq sheherliride muhit bulghinish yenila éghir bolghan.
Xitay muhit tetqiqat merkizi torining 31-yanwar seyshenbe künidiki xewiride, chaghan mezgilide muhit bulghinishining yenila éghir bolushidiki sewebler heqqide toxtilip, chaghan mezgilide xébiy qatarliq ölkilerdiki bir türküm muhitni bulghaydighan chong zawutlar ishtin toxtimighanliqi, ahalilerning issinish qurulmiliridin hawagha qoyup bérilgen muhit bulghaydighan is-tütekler, chaghanliq tughqan yoqlashqa mangghanlar chüshken aptomobillardin chiqqan hawani bulghaydighan kéreksiz gazlarning adettikidin köp bolushi qatarliq köp xil amillar seweb bolghanliqi tilgha élin'ghan.
Xitaydiki muhit bulghinish mesilisi yéqinqi yillardin buyan xitay ichi we xelq'araning jiddiy diqqitini qozghighan mesililerning biri bolup, bolupmu qish peslide shimaliy xitay rayonidiki béyjing, tyenjin shehiri, xébiy ölkisidiki shijaju'ang, bawding qatarliq sheherler, ichki mongghulning kökxot shehiri we gherbiy shimaldiki ürümchi, shixenze qatarliq sheherlerdiki qoyuq tuman kishilerning salametlikige éghir tehdit élip kéliwatqanliqi xewer témiliri bolmaqta.
Köp körülgen xewerler
RFA
- Abduweli ayup: “Xitaygha bérip kéliwatqan Uyghurlarning köpiyishi jiddiy mesile!”
- “Uyghur xelq naxshiliri” ni ögitishmu yaki Uyghurlargha “Heywe” körsitishmu?
- Amérika awam we kéngesh palata ezaliri xitayning gülshen abbasni derhal qoyup bérishni telep qilghan
- Uyghurshunaslar: prinséton uniwérsitétida “Eziz eysa elkün Uyghur edebiyati eserliri toplanmisi” ning bolushi tarixiy ehmiyetke ige
- Amérika emgek ministirliqi yighinida “Uyghur mejburiy emgikining aldini élish qanuni” ni qattiq ijra qilish kérekliki qayta tekitlendi