Или области “милләтләр иттипақлиқи илгири сүрүш йили” мунасивити билән 30 түрлүк чарә-тәдбирни йолға қойғанлиқини елан қилған
Хитай һөкүмити 2016-йилини уйғур аптоном райони бойичә “милләтләр иттипақлиқини илгири сүрүш йили” дәп бекиткәндин кейин, җайларда аталмиш “милләтләр иттипақлиқи” бойичә кәң көләмдә сиясий вә иҗтимаий паалийәтләрни тәшкилләшкә башлиған.
13-Апрел күни или қазақ аптоном областиниң партком секретари хваң сәнпиң мухбирларға баянат берип, “милләтләр иттипақлиқини илгири сүрүш йили” ни әмәлийләштүрүш үчүн или областида 30 түрлүк чарә-тәдбирни йолға қойидиғанлиқини елан қилған.
Мәлум болушичә, или областида йолға қоюлмақчи болған “милләтләр иттипақлиқи йили” ға даир 30 түрлүк чарә-тәдбирниң 23 и уйғур аптоном райони бекиткән тәдбирләр билән бирдәк икән. Әмма буниң ичидики 7 түрлүк чарә-тәдбир пәқәтла или областиға хас тәдбирләр икән. Милләтләр вә динға даир түрлүк оқушлуқларни түзүп нәшр қилдуруш, миллий алаһидиликкә игә өрп-адәт кочилири билән кәнтлирини бәрпа қилиш, аз санлиқ милләтләр тил-йезиқидики қәдимки әсәрләрни рәтләш вә нәшр қилиш қатарлиқ мәзмунлар асаслиқ салмақни игиләйдикән.
Көзәткүчиләр, или области йолға қоймақчи болған аталмиш “милләтләр иттипақлиқи” ға даир 30 түрлүк чарә-тәдбир, даириләрниң районда алди билән юқири бесимлиқ сиясәт қоллинип милләтләр мунасивитидики тәңпуңлуқни бузуп ташлиғандин кейин, арқидин униңға мәлһәм сүркимәкчи болғанлиқидин башқа нәрсә әмәс, дәп қаримақта.
- Гүлистан әзиз: “иккинчи вәтиним-японийәни хитай тәһтидидин агаһландуруш вә қоғдаш мениң бурчум”
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Д у қ пүтүн дунядики уйғурларни “5-июл үрүмчи қирғинчилиқи” ниң 13 йиллиқини хатириләшкә чақирди
- Түркийә билән қазақистанниң б д т кишилик һоқуқ алий кеңишиниң 50-қетимлиқ йиғинида уйғур мәсилисини тилға елиши немидин бишарәт бериду?
