Chén chüen'go "Bash nishan" din söz achqanda yene qattiq zerbe bérishni tekitlidi

Muxbirimiz irade
2016-11-03
Élxet
Pikir
Share
Print

Uyghur aptonom rayonluq partkomning bash sékrétari chén chüen'go wezipige olturghandin buyan "Qattiq zerbe bérish" tin ibaret "Bash nishanni emelge ashurush" toghrisida toxtimay sözlep közetküchilerning diqqitini qozghidi.

Tengritagh torining xewiridin qarighanda, chén chüen'go xitay kompartiyisining shinjang Uyghur aptonom rayonluq 9-nöwetlik qurultiyida qilghan sözidimu qurultayda belgilen'gen 9 ‏-nöwetlik hey'etning eng muhim wezipisining "Uyghur rayonining muqimliqini qoghdap, uni menggülük eminlikni qoghdashtin ibaret bash nishan'gha xizmet qildurushni emelge ashurush" ikenlikini körsetken. U sözide: "Her tereplime tedbir qollinip, baldur tutup, kichikidin tutup, téz tutup, yaxshi tutup, bir qolda zorawan-térrorchilar, jinayet shaykiliri we qanunsiz teshkilatlargha qanun boyiche qattiq zerbe bérishni tutup, yene bir qolda elrayini eng zor derijide mayil qilip, ijtima'iy omumiyetning inaq, muqim bolushini saqlishimiz kérek..." dégen.

Chet'ellerdiki Uyghur pa'aliyetchiler bolsa xitay hökümitining menggülük eminliktin söz achqanda he dése qattiq zerbe bérishni tekitlishini "Zorawanliq" dep tenqid qilmaqta. Dunya Uyghur qurultiyi bayanatchisi dilshat rishit ependi chén chüen'goni bu xil pozitsiyidin waz kéchip, Uyghur élidiki yuqiri bésimliq siyasetni, milliy kemsitishni, jümlidin Uyghurlarning kishilik, dini we milliy hoquqlirigha dexli-terz qilishni ayaghlashturushqa chaqirdi.

Toluq bet