Sabiq sékrétar chén chüen'goning xelq qurultiyidiki wekillik salahiyitige xatime bérilgen, mu'awin re'is péng jyarüy emilidin qaldurulghan

Uyghur rayonluq partkomning sabiq sékrétari chén chüen'goning “Shinjang Uyghur aptonom rayonining 13-nöwetlik xelq qurultiyi” diki wekillik salahiyitige xatime bérilgen.

Xitayning “Shinjang géziti” qatarliq hökümet taratquliri 7-yanwar küni “Shinjang Uyghur aptonom rayoni xelq qurultiyi da'imiy komitétining uqturushi” ni élan qilghan bolup, mezkur uqturushta mundaq déyilgen: “. . . Wekiller qanunining alaqidar belgilimilirige asasen, chén chüen'go, shü xeyrong, yaw chingxey, wu changfu, ju pingjyang, li péngshin, jaw chungjyu, yang shin, wang jünjéng, sün jün we jaw jidenning aptonom rayonluq xelq qurultiyi 13-nöwetlik xelq qurultiyining da'imiy hey'itining ezasiliq orni munasip halda axirlashti”.

Uqturushta yene “Shinjang Uyghur aptonom rayonluq xelq qurultiyi da'imiy komitéti salahiyet tekshürüsh komitétining tekshürüsh doklatigha asasen ma shingrüy, xé jongyow, jang ju, yüsüpjan memet, élzat exmetjan qatarliq 19 wekilning wekillik salahiyitini békitilgenliki jakarlan'ghan. Bu toluqlan'ghanlarning mutleq köpchiliki xitaylardin ibaret.

Yuqiridikilerdin bashqa yene, Uyghur aptonom rayonining mu'awin re'isi péng jarüy wezipisidin éliwétilgen.

Yuqiridiki bu uqturushlar Uyghur aptonom rayonluq partkomning yéngi sékrétari ma shingrüy yötkep kélin'gendin kéyin Uyghur élidiki her derijilik orunlarda jiddiy tengsheshler élip bériliwatqanliqini körsitip béridiken.