“Shingdaw” gézitining amérika ishxanisi “Chet el wakaletchisi” qilip békitilgen

Muxbirimiz irade
2021-08-26
Share

Amérika xitayning “Shingdaw” namliq gézitining amérikadiki ishxanisini “Chet el wakaletchisi” dep békitken.

“Aksiyos” gézitining xewerlirige qarighanda, amérika adalet ministirliqi bu hepte “Chet el wakaletchilirini tizimlash qanuni” gha asasen “Shingdaw” gézitining amérikadiki pa'aliyetlirini “Chet döletlerning tesir körsitish herikiti” dep bahalighan iken.

“Shingdaw” géziti buni inkar qilip, gézitning xususiylar igilidiki musteqil axbarat ikenlikini, uning xitay kompartiyesining kontrolluqi we tesirige uchrimaydighanliqini ilgiri sürgen.

“Shingdaw” géziti xongkongda xitay tilida neshir qilinidighan eng kona gézitlerning biri bolup, bu gézitning köp qisim paychékini bu yil 6-ayda xitaydiki bir öy-mülük shirkiti xojayinining qizi sétiwalghan iken. “Shingdaw” gézitining nyu-york, los-anzhélés we san-firansiskoda mexsus ishxaniliri we kaliforniyening burlin'gamgha jaylashqan radiyo istansisi bar iken.

Amérika hökümitining bayqishiche, “Shingdaw” gézitining amérikada tarqitilidighan gézit we radiyoliridiki mezmunlarning yérimidin köpreki xitayning “Yultuz mehsulatliri” (Star Production) cheklik shirkitidin sétiwélin'ghan mezmunlar iken.

Amérika hökümiti bundin ilgiri xitayning shinxu'a agéntliqi, xitay yer shari téléwiziyisi tori qatarliq 5 axbarat orginini “Chet el wakaletxanisi” dep békitken idi. Arqidin yene xitay merkizi téléwiziyisi, xitay xewer agéntliqi, “Xelq géziti” we “Yer shari waqit géziti” qatarliq 4 organnimu “Chet el wakaletxanisi” qilip békitken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet