Моңғулийә чиңгизханниң туғулған күнини миллий иптихар байрими қилип бекитти

Мухбиримиз үмидвар
2016-10-09
Share

Оттура асия хәвәрләр ториниң йезишичә, моңғулийә парламенти бу йил 31 - өктәбир күнини, йәни чиңгизханниң туғулған күнини миллий иптихар күни сүпитидә байрам қилип,пүтүн мәмликәт бойичә бир күн дәм елиш қоюп беришни қарар қилған.

Мәзкур байрам, йәни миллий иптихар байрими күни 2012 - йили, чиңгизхан туғулғанлиқиниң 850 йиллиқини хатириләш мурасимида бекитилгән болуп, чиңгизханниң туғулған күнини моңғулларниң ай календари бойичә, қиш ейиниң биринчи күни өткүзүш бәлгиләнгән. Өткән йили, бу күн 12 - ноябирға тоғра кәлгән иди.

Чиңгизханниң туғулған күнигә беғишланған миллий иптихар байрими күнидә моңғулийә пайтәхти улан батордики чиңгизхан мәйданиға тикләнгән чиңгизхан һәйкили алдида түрлүк тарихи әнәниви паалийәтләр вә дөләт мурасими өткүзүлидиған болуп, бу күни йәнә дөләт үчүн һәссә қошқан шәхсләргә чиңгизхан ордени тәқдим қилинидикән.

Чиңгизхан 1206 - йили моңғул дөлитини рәсмий қурған болуп, кейин бу дөләт техиму қудрәт тепип моңғул империйисигә айланған иди. Һазирқи моңғулийә җумһурийити совет иттипақи йимирилгәндин кейин, чиңгизханни моңғул дөлитиниң қурғучиси вә өзлириниң миллий иптихари қилип бекитишкә мувәппәқ болалиди. Әмма, совет дәвридә русийә тарихчилири чиңгизханни қирғинчилиқ қилғучи вә ишғалчи сүпитидә бекиткәнлики үчүн моңғулийә һөкүмитиму шундақ позитсийә тутқан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт