دالاي لاما نەزەربەنتتىكى ياش بەنچەن لامانىڭ ھازىرقى ئەھۋالىنى يەنىمۇ تەكشۈرۈشنى تەلەپ قىلغان

مۇخبىرىمىز قۇتلان
2015-09-14
Share

«ئامېرىكا ئاۋازى» نىڭ خەۋىرىگە قارىغاندا، تىبەتلەرنىڭ روھانىي داھىيسى دالاي لاما شەنبە كۈنى بايانات بېرىپ، خىتاي ھۆكۈمىتى 20 يىلدىن بۇيان نەزەربەنتتە تۇتۇپ تۇرۇۋاتقان ياش بەنچەن لامانىڭ ھازىرقى ئەھۋالىنى تەكشۈرۈپ كۆرۈشنى تەلەپ قىلغان.

مەلۇمكى، ئۆتكەن ھەپتە تىبەت ئاپتونوم رايونلۇق پارتكوم بىرلىكسەپ بۆلۈمىنىڭ بىر نەپەر ئەمەلدارى تۇيۇقسىزلا بايانات بېرىپ، 11-ئەۋلاد بەنچەن لامانىڭ «نورمال ياشاۋاتقانلىقى» ۋە «مائارىپ تەربىيىسى ئېلىۋاتقانلىقى» نى تىلغا ئالغان ئىلدى.

دالاي لاما خىتاي دائىرىلىرىنىڭ نەزەربەنتتىكى بەنچەن لاما ھەققىدە بەرگەن باياناتىغا ئىنكاس بىلدۈرۈپ، ئۇنىڭ ئەھۋالىنىڭ زادى قانداق ئىكەنلىكىنى «يەنىمۇ تەكشۈرۈپ كۆرۈش زۆرۈر،» دېگەن.

1995-يىلى تىبەت بۇددىزمىنىڭ روھانىي داھىيسى دالاي لاما ئەمدىلا 6 ياشقا كىرگەن نىيىمانى 11-ئەۋلاد بەنچەن لامالىققا تەيىنلىگەندىن كېيىن، خىتاي ھۆكۈمىتى ئۇنى ئۆيىدىن تۇتۇپ كەتكەن. شۇندىن بۇيان 20 يىل ئۆتكەن بولسىمۇ، خىتاي ھۆكۈمىتى ياش بەنچەن لاما ھەققىدە تاشقى دۇنياغا ھېچقانداق ئۇچۇر بەرمىگەن. ئۇ ئىز-دېرەكسىز غايىب بولغان يىلى خىتاي ھۆكۈمىتى باشقا بىر تىبەتلىك بالىنى «11-ئەۋلاد بەنچەن لاما» دەپ ئېلان قىلغان.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت