"A q sh ning 2017-yilliq dölet bixeterlik istratégiyesi" élan qilindi

Muxbirimiz eziz
2017-12-18
Élxet
Pikir
Share
Print

Amérika prézidénti donald tramp 18-dékabir küni amérika qoshma shtatliri (a q sh ) ning 2017-yilliq "Dölet bixeterlik istratégiyesi"ni élan qildi. 68 Betlik bu höjjette u amérika hökümiti kelgüside duch kelgüsi asasliq mesililerni hemde amérikining menpe'etige xiris peyda qilghuchi amillarni éniq körsetken.

Doklatta amérika qoshma shtatlirining dunya miqyasida iqtisad we herbiy küch-quwwet saheliridiki yétekchi orunni talishish kürishige ishtirak qiliwatqanliqi éytilghan. Shuningdek mutexessisler buni donald trampning "Amérika birinchi" sho'arini emelge ashurmaqchi boluwatqanliqining inkasi, dep qarighan. Höjjette éniq qilip "Xitay we rusiye amérikining qudritige, tesirige we uning menpe'etige xiris qilmaqta. Shuningdek amérikining bixeterliki we güllep yashnishini berbat qilishning koyigha chüshmekte" dep körsitilgen. Shuning bilen birge xitayning dunya iqtisadigha xoja boluwélish niyitini peskoygha chüshürüsh üchün némilerni qilish heqqide tepsiliy toxtalghan.

Mezkur höjjette obama dewride ishlitilishtin toxtighan "Jihadi" küchlerning térrorluq tehditliri heqqidiki ibariler yéngiwashtin orun alghanliqi melum. Shuning bilen birge shimaliy koréye qatarliq "Lükchekler hakimiyiti" ning amérika üchün qandaq tehdit ikenlikimu tepsiliy sherhlen'gen.

Melum bolushiche, a q sh ning "Dölet bixeterlik istratégiyesi" ni amérika dölet mejlisi qerellik halda teyyarlap chiqidighan bolup, bu adette shu nöwetlik amérika hökümitining omumiy xizmet yönilishige asas bolidiken.

Toluq bet