Америка дөләт мәҗлиси әзалири америкалиқларниң корона вирусида хитайни сотқа тартишиға рухсәт қилиш қанун лайиһәси сунған

Мухбиримиз әркин
2020-04-20
Share

Американиң икки авам вә кеңәш палата әзаси америкалиқларниң хитайни сотқа тартип, уни корона вируси юқумида кәлтүрүп чиқарған зийинини төлитишигә рухсәт қилиш қанун лайиһиси сунған.

Қанун лайиһәсини җумһурийәтчи авам палата әзаси дән креншав билән кеңәш палата әзаси там каттон оттуриға қойған. Қанун лайиһисидә американиң чәтәл игилик һоқуқи кәчүрүм қилиш қануниға түзитиш киргүзүлүп, америкалиқларниң федератсийә сот мәһкимилиригә хитай үстидин әрз қилишиға йол қоюлған.

Мәзкур қанун лайиһәси президент трамп, әгәр хитай корона вирусиниң "тарқилишиға билип туруп йол қойған болса", униң еғир бәдәл төләйдиғанлиқини тәкитлигән мәзгилдә оттуриға қоюлған. Кеңәш палата әзаси там каттон бу һәқтики баянатида: "хитай компартийәси дуняни корона вируси һәққидә агаһландурмақчи болған дохтур вә журналистларни җимиқтуруп, юқумниң дуняда кәң тарқилишиға йол ачти. Уларниң вирусни юшуруши миңлиған биһудә өлүм вә сансизлиған иқтисади зиянни кәлтүрүп чиқарди. Биз хитай һөкүмитиниң кәлтүрүп чиқарған зиянни үстигә елиши мувапиқ, дәп қараймиз" дегән.

Мәлум болушичә, бу қанун лайиһиси американиң "террорлуқни қоллиғучиларға қарши туруш адаләт қануни" ни үлгә алған болуп, у "хәлқара аммиви сағламлиқ җиддий әһваллирида учурни йошурған яки бурмилиған чәтәл дөләтлиригә қарита һәқ тәләп даваси қилиш" ни чиқиш қилған икән. Нөвәттә, хитай һөкүмити рәт қилсиму, лекин бәзи дәлилләр корона вирусиниң вухән вирус тәтқиқат орнидин тарқалғанлиқи, хитайниң буни йошурғанлиқини илгири сүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт