Dréksél uniwérsitétida Uyghur ma'aripi we medeniyiti mesililiri boyiche muhakime yighini échildi

Muxbirimiz ümidwar
2017-10-08
Élxet
Pikir
Share
Print

Merkizi istanbuldiki Uyghur akadémiyesi bilen amérikining piladélpiye shehirige jaylashqan dréksél uniwérsitétining ortaq uyushturushi astida 8-öktebir küni dréksél uniwérsitétida "Muhajirettiki Uyghurlar we ularning ma'aripi" mawzusidiki ilmi muhakime yighini ötküzüldi.

Öz muxbirimizning xewer qilishiche, amérikani asas qilip, bir qanche ellerdin kelgen Uyghur mutexessisler Uyghurlarning ma'aripidiki yéngi imkaniyetler, ma'arip tereqqiyati, chet'ellerdiki Uyghur jama'itining Uyghur ana til we medeniyet mesililiri, amérikidiki Uyghur tili oqutush we Uyghur tilini saqlap qélish we bashqa köp xil hem keng nuqtilar boyiche ilmiy doklat berdi. Ilmiy muhakime yighinigha yene mezkur uniwérsitét we bashqa uniwérsitétlardin hem Uyghur mesilisige köngül bölgüchi jem'iyetlerdin kelgen Uyghurlargha qiziqquchi amérikiliq mutexessisler, oqutquchi-oqughuchilar, amérikida oquwatqan Uyghur oqughuchilar, shuningdek yene bir qisim Uyghur teshkilat we jama'et wekilliri bolup köp sanda kishi qatnashti. Yighin jeryanida yene qizghin so'al-jawablar boldi.

Bu qétimliq yighin Uyghur akadémiyisining tunji qétim chet'ellerdiki, jümlidin amérikidiki uniwérsitét bilen birlikte ötküzgen mexsus Uyghur ma'aripi we til-medeniyet mesililiri boyiche ilmi muhakime yighini hésablinidiken. Yighin heqqide radi'omiz muxbiri ayrim tepsiliy neq meydan melumati béridu.

Toluq bet