Д у қ хәлқара олимпик комитетини олимпик низамнамисиға хилаплиқ қилиш билән әйиблиди

Мухбиримиз әркин
2021-03-05
Share

Дуня уйғур қурултийи хәлқара олимпик комитетиниң олимпик низамнамисиға хилаплиқ қилғанлиқини әйиблигән, шундақла уларниң 2022-йиллиқ қишлиқ олимпикни бейҗиңда өткүзмәслик тоғрисидики әрз хетини олимпик әхлақ комитетиниң рәиси бан ки мунниң шәхсән өзи көрүп чиқишини тәләп қилған. Дуня уйғур қурултийиниң бу чақириқи уйғурларға "ирқий қирғинчилиқ" йүргүзиватқан хитайдәк бир дөләттә олимпик өткүзүш хәлқарада күчлүк қаршилиққа учраватқан бир мәзгилдә елан қилинди.

Дуня уйгур қурултийи өткән йили 8-айда хәлқара олимпик комитетиға хәт йезип, 2022-йиллиқ қишлиқ олимпикни бейҗиңда өткүзмәсликни, хитайниң уйғурларға қарита "инсанийәткә қарши җинайәт" садир қилғанлиқиға аит дәлил-испатлар барлиқини көрсәткән. Д у җ ниң 5-феврал елан қилған баянатида ейтишичә, хәлқара олимпик комитети уларниң әрзигә тоғра муамилә қилмиған болуп, улар бу йил 26-феврал олимпик әхлақ комитетиниң рәиси бан ки мунға хәт язған.

Улар хетидә хитайниң "ирқий қирғинчилиқ вә инсанийәткә қарши җинайәт садир қилғанлиқи дәлилләр билән испатланғандин кейинму, хәлқара олимпик комитетиниң 2022-йиллиқ қишлиқ олимпикни бейҗиңда өткүзүшни қайта ойлашмай, олимпик низамнамисиға хилаплиқ қилғанлиқи", уларниң әрз хетини бан ки мунниң шәхсән өзи көрүп чиқишини тәләп қилидиғанлиқини билдүргән.

Дуня уйғур қурултийи баянатида "биз бан ки мун әпәндиниң әрзни шәхсән өзи көрүп чиқишқа яки йеңи әхлақ-әрзийәт хадими тәйинләп, буни мувапиқ шәкилдә көрүп чиқишқа чақиримиз," дегән. Бирақ ройтерс агентлиқиниң ейтишичә, хәлқара олимпик комитети һазирға қәдәр д у қ ниң чақириқиға инкас қайтуруп бақмиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт