Д у қ ниң 5 - қурултийиға қатнишидиған вәкилләр парижға җәм болди

Мухбиримиз үмидвар
2016-07-10
Share


Дуня уйғур қурултийиниң 5 - қетимлиқ қурултийиға қатнишидиған вәкилләр 10 - июл күни франсийәниң париж шәһиригә йетип келип, йиғин тәйярлиқиға киришти.

Мухбиримизниң паризһдин хәвәр беришичә, дуня уйғур қурултийиниң нөвәттә вәзипә өтәватқан барлиқ рәһбәрлири париж шәһиридики йиғин ечилидиған меһманханида җәм болуп, 11 - июл күни башлинидиған қурултайниң хизмәтлири вә башқа мәсилиләр һәққидә пикирләшти.

Дуня уйғур қурултийиниң 5 - қетимлиқ қурултийиға қатнишидиған америка, канада, японийә, явропа иттипақи мәмликәтлири, түркийә вә оттура асия җумһурийәтлиридин кәлгән вәкилләр паризһ шәһиридики “новотел” меһманханисиға келип орунлишип, тизимға алдуруш, йиғин рәсмийәтлирини беҗириш ишлирини елип барди.

Хәвәр қилишичә, 11 - июл күни чүштин бурун 9 йеримдин 12ғичә қурултайниң ечилиш мурасими өткүзүлгәндин кейин, башқа барлиқ йиғинлар новотел меһманханисида 13 - июлғичә давамлишип, 130 нәччә вәкилниң қатнишишида демократик сайлам өткүзүлидикән вә дуня уйғур қурултийиниң хизмәтлири һәм уйғурларниң нөвәттики вәзийитигә аит бир қатар мәсилиләр муһакимә қилинидикән.

Қурултайға йәнә бир қисим хәлқаралиқ кишилик һоқуқ тәшкилатлириниң вәкиллири, мутәхәссисләр вә көзәткүчиләрму қатнишиду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт