Җуңго пуқралар күчи тәшкилати: әмгәк билән тәрбийиләш түзүминиң бикар қилинғанлиқи илгириләш
2013.11.21
Хитай демократлириниң “җуңго пуқралар күчи тәшкилати” хитайниң йеқинда әмгәк билән тәрбийиләш түзүмини бикар қилғанлиқини қарши елип, әгәр бу иҗра қилинса пуқраларниң асасий кишилик һоқуқини қоғдаш, дөләтниң күчини суйиистемал қилишқа қарши туруш йолидики илғар бир қәдәм, дәп көрсәтти.
Мәзкур тәшкилатниң илгири сүрүшичә, әмгәк билән тәрбийиләш түзүми коммунистик һөкүмәтниң кишилик әркинликни қанунсиз чәкләйдиған күчлүк қоралиға айланған. Даириләр бу түзүмни у йолға қоюлған 1957-йилдин буян коммунистик реҗимни тәнқид қилған, униңға қарши турған пуқраларни бастуруш үчүн қоллинип кәлгән.
“җуңго пуқралар күчи” тәшкилати йәнә, мәзкур түзүм иҗтимаий күчләрниң хусусән, өктичиләр, кишилик һоқуқни қоғдиғучилар, әдибләр, зиялийлар, адаләт туйғусиға игә сотчи вә әмәлдарларниң нәччә он йиллиқ изчил вә ортақ тиришчанлиқида бикар қилинғанлиқини билдүрүп, бирақ бу пуқраларниң әркинлик әһвали яхшилинидиғанлиқидин дерәк бәрмәйдиғанлиқини әскәрткән. Пәқәт асасий қанунлуқ демократийә кишилик һоқуққа капаләтлик қилидиған әң мувапиқ йол икәнликини тәкитлигән.
“җуңго пуқралар күчи” бу йил хитайниң б д т кишилик һоқуқ кеңишигә әзалиққа сайлинишиға қарши туруш һәрикити қозғиған, бирақ униң әзалиққа сайлинишини тосуп қалалмиған иди.
Көп көрүлгән хәвәрләр
RFA
- Мәмәт езиз садиқ түркийә сотида хитай үчүн җасуслуқ қилиш җинайити билән әйиблинип 12 йиллиқ қамаққа һөкүм қилинған
- Түркийә соти тунҗи қетим, әркин абдувәли исимлик уйғурни хитайға қайтуруп бериш қарарини елан қилди
- Қәшқәр пәйзиватта аһалиләр роза тутмайватқанлиқи һәққидә мәсул кадирларға испат йоллашқа мәҗбурланған
- Фирансийә мәтбуатлири: хитайниң дилнур рәйһан үстидин әрз қилиши әдлийә җәһәттин паракәндичилик селиштур
- Ма шиңруй: “американиң шинҗаңға йүргүзгән ембаргоси 144 дин артуқ карханиға тәсир қилди”