Xitay torlirida Uyghurche filimler yeklen'gen

Radi'omizgha kelgen uchurlargha qarighanda, xitaydiki qisqa filim qanili-“http://www.56.Com” gha Uyghurche filimlerni yüklesh til cheklimisi seweblik qiyinchiliqqa yoluqmaqta iken. Bu xil qiyinchiliq Uyghur tordashlar arisida küchlük naraziliq qozghighan.

Bizge bu heqte uchur yollighuchining bildürüshiche, mezkur tor bétige Uyghurche filimlerni yollash üchün filimdiki di'aloglarni choqum xitaychigha terjime qilip, ékran'gha xitayche yéziqta kirgüzüsh shert iken. Eger undaq bolmaydiken, Uyghur tilidiki filimler testiqlanmaydiken.

Biz buni tekshürüp körginimizde, derweqe bir tordashning özi yoluqqan til tosalghusi heqqidiki yazmisi melum bir Uyghurche tor bétide qiziq munazire témisigha aylan'ghan.

Bu heqte ötküzülgen bir munaziride “http://www.56.com” ning Uyghur til-yéziqini chekligenliki, shunga bu tor békitini bayqut qilish kérekliki ottura qoyulghan.

Bezi inkaslarda buning torbékitidiki mesile bolmastin, belki dölet siyasitidiki mesile ikenliki körsitilgen.

Yene béziler hetta ürümchidimu Uyghur til -yéziqidiki matériyallarni köpeytip bésishtimu qiyinchiliqqa yoluqidighanliqini inkas qilishqan.

Inkaslargha qarighanda, da'iriler Uyghur yéziqtiki matériyallargha mezmunidin ensirep shundaq cheklimilerni qoyghan iken.