Филиппин хитайни деңиз йоли қанунлириға һөрмәт қилишқа чақирди

Мухбиримиз үмидвар
2016-08-11
Share

Филиппин ташқи ишлар министири перфәкто ясай пәйшәнбә күни қилған сөзидә, хитай һөкүмитини җәнубий җоңго деңизи вә шәрқий җоңго деңизи мәсилисини һәл қилишта хәлқара деңиз йоли қанунлири вә хәвпсзликкә һөрмәт қилишқа чақирди.  ясай бу сөзни японийә ташқи ишлар вәзири фумю кишида билән филиппиндики рәсмий учришиши давамида қилған.

У сөзидә “ биз хитайни хәлқара деңиз йоли қанунлири вә хәвпсизлик қанунлирини чоқум вә шәртсиз иҗра қилишқа чақиримиз” дегән.

Хитай йилда 5 тириллийон долларлиқ тиҗарәт соммисиға игә җәнубий җоңго деңизиниң һәммисниң дегүдәк өзигә тәвәликини илгири сүриду. Гәрчә японийә җәнубий җоңго деңизида игилик һоқуқи тәләп қиливатқан дөләтләр қатарида болмисиму, әмма у шәрқий җоңго деңизидики аралларниң игилик һоқуқи мәсилиисидә хитай билән ихтилап ичидә турмақта.

Японийә даирилири алдинқи һәптә техи хитайға аит бир парахотниң японийә өзигә тәвәликини илгири сүридиған деңиз тәвәликигә киргәнлики үчүн хитайни қаттиқ тәнқид қилған иди. японийә ташқи ишлар вәзири фумю кишида японийиниң филиппинни қоллашни давам қилидиғанлиқи вә келәр һәптә филиппингә 10 данә  деңиз  қирғақлирини қоғдиғучи парахот беридиғанлиқини тәкитлигән. японийә филиппингә йәнә 4 данә т д - 90 типлиқ чарлиғучи айрупилан беридикән.

Фумю кишида сөзидә, хәлқара қанунларға таянған деңиз йоли тәртипиниң районниң муқимлиқи вә параванлиқи үчүн зөрүрлүкини тәкитлиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт