Филиппин: хитайниң һәрикити билән сөзи бирдәк әмәс

Мухбиримиз әркин
2015-09-04
Share

Филиппин ташқи ишлар министирлиқи хитайниң 3‏-сентәбир өткүзгән һәрбий мурасимиға инкас қайтуруп, униң һәрикити билән сөзи бирдәк әмәс, деди.

Филиппин ташқи ишлар министирлиқи баянатчиси чарлес хосей җүмә күни: филиппин хитай рәһбәрлириниң сөзи билән һәрикити бирдәк болушни көрүшни арзу қилиду, дегән.

Хитай рәиси ши җинпиң һәрбий паратта сөзлигән нутқида, җуңго мәңгү кеңәймичилик вә зомигәрлик қилмайду, дегән иди. Бирақ хитайға қошна бәзи дөләтләр униң изчил кеңәймичилик қиливатқанлиқини агаһландуруп кәлди.

Чарлес хусей: хитай икки тәрәп сөһбити вә музакирилиридә қандуруш имкани йоқ алдинқи шәртләрни қоюп кәлди. Хитай биздин уларниң җәнубий деңизда мутләқ игилик һоқуқи барлиқини етирап қилишимизни үмид қилиду. Әлвәттә биз буни қобул қилмаймиз, дегән

Хитай йеқинқи йиллардин буян игилик һоқуқи вийетнам, филиппин билән талаш-тартиштики йәттә җәнубий деңиз арилида қурулуш елип барған.

Америка йеқинда елан қилған бир доклатта ашкарилишичә, хитай җәнубий деңизда деңизни тиндуруп, 1200 гектар арал ясиған,бу аралларниң аз дегәндә бир яки иккисидә һәрбий парахот вә һәрбий айропилан тохтатқили болидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт