Хитай 20 дөләт башлиқлири йиғинида тордин қачқан парихор әмәлдарларни тәтқиқ қилиш мәркизи қурулғанлиқини билдүрди

Хитай интизам тәкшүрүш комитети баянат берип, 20 дөләт башлиқлири йиғинида тордин қачқан парихор әмәлдарларни тәтқиқ қилиш мәркизи қурулғанлиқини, хитай тутуш буйруқи чиқарған 100 нәпәр парихор әмәлдарниң үчтин бир қисминиң торға чүшкәнликини билдүрди.

5-Сентәбир дүшәнбә күни хитай рәиси ши җинпиң 20-дөләт башлиқлири йиғининиң йепилиш мурасимида қилған сөзидә, хитайниң хәлқарадики дөләт вә һөкүмәтләрниң парихорлуққа зәрбә бериш органлири билән һәмкарлиқ орнатқанлиқини баян қилип, "һазир парихор әмәлдарлар панаһлинидиған җай тапалмайдиған вәзийәт шәкилләнди" дегән. Ши җиңпиң йәнә 20 дөләт башлиқлириниң бирдәк аваз бериши билән "20 дөләт гуруһиниң қечип йүргән парихор әмәлдарларни тутуш бәлгилимиси" қарардин өткәнликини билдүргән.

Хитай интизам тәкшүрүш комитетиниң өз торида бәргән баянатида йәнә, хитайниң 2014-йилдин буян 70 нәччә дөләткә қачқан 1915 нәпәр парихор әмәлдарни қайтуруп әкелип қануний җазаға тартқанлиқи тилға елинған.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар