Bir qisim dölet rehberliri xangjuda öz'ara uchrashti

Muxbirimiz ümidwar
2016-09-04
Share

G20 dölet aliy rehberliri yighinigha qatnishish üchün kelgen bir qisim dölet rehberliri ayrim uchrishishlarni ötküzgen bolup, 3 - séntebir küni xitay dölet re'isi shi jinping xangju "Shixu" dölet méhmansariyida amérika prézidénti barak obama bilen körüshti.

Ikki dölet bashliqi xitay - amérika munasiwiti we ortaq köngül bölidighan zor xelq'ara, rayon mesililiri üstide pikir almashturghan.

Obama bilen shi arisidiki söhbet üch yérim sa'ettin artuq waqit dawamlashqan.

Amérika awazining xewer qilishiche, bu qétim amérika bilen xitay parizh kilimat kélishimini resmiy testiqlighan bolup, ikki dölet prézidénti g20 dölet yighinida parizh kélishimini testiqlighanliqini jakarlighan.

Türkiyening t r t radi'osining yézishiche, yighin jeryanida türkiye prézidénti erdoghan amérika prézidénti obama, xitay dölet re'isi shi jinping, rusiye prézidénti putin qatarliqlar bilen ayrim söhbetleshken. Bolupmu, erdoghan bilen obama uchrishishida süriye, "Firat qalqini herikiti" we térror mesililiri muzakire qilindi. Erdoghan 15 - iyul herbiy özgirish heqqide toxtilip, mezkur siyasiy özgirishni qozghash bilen eyiblen'gen fetulla gülenni qayturup kélish mesilisini tekitligen.

Prézidént erdoghan yene xitay dölet re'isi shi jinping bilenmu ayrim söhbet ötküzgen bolup, bu qétim türkiye bilen xitay arisida énérgiye, yadro énérgiyisi, ghazi'antép yangiqini xitaygha éksport qilishqa a'it bir qisim kélishimler imzalan'ghan.

B b s agéntliqining xewer qilishiche, g20 dölet yighini échilish jeryanida, yekshenbe küni yene amérika dölet ishliri ministiri jon kérri bilen rusiye tashqi ishlar ministirliri sérgéy lawrof xangjuda uchriship, süriyede urush toxtitish kélishimige a'it mesililerni muzakire qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet