Adwokat gaw jishing qaytidin qolgha élin'ghan

Tonulghan xitay kishilik hoquq aktipi, nobél tinchliq mukapati namzati gaw jishing ötken yili awghustta türmidin azad qilin'ghandin buyan téxi aldinqi küni tunji qétim amérika birleshme agéntliqining muxbiri bilen yüzmu-yüz körüshüp, uning ziyaritini qobul qilghan idi. Emma gaw jishingning bu ziyaretni qobul qilip aridin bir kün ötmeyla yene qaytidin qolgha élin'ghanliqi xewer qilinmaqta.

Boshun torining xewer qilishiche, amérikidiki xitaygha yardem qilish teshkilati gaw jishingning tutqun qilin'ghanliqi heqqide ishenchlik bir menbedin uchur alghanliqini, uning peyshenbe küni axsham sa'et on etrapida shenshidiki öyidin ep kétilgenlikini, dölet bixeterlik xadimlirining uning öyini axturghanliqini bildürgen.

Gaw jishing xitaydiki falun'gung muritliri hem shundaqla yer dewagerlirining adwokatliqini qilghanliqi üchün 2006-yilidin buyan türmide yétip téxi ötken yili öy hepsige qoyuwétilgen. U türmidin qoyuwétilgende uning salametlik ehwalining intayin nacharliqi, türmide uchrighan qéyin-qistaq sewebidin heriket qilish we sözlesh iqtidaridin mesile chiqqanliqi melum bolghan idi. U tünügün birleshme agéntliqi muxbirigha qilghan sözidimu özining türmide qéyin-qistaqqa uchrighanliqini, emma shundaqtimu dawadin waz kechmeydighanliqini, xitay hökümitining diktator tüzümining 2017-yili ayaghlishidighanliqini éytqan iken.