Горбачов дуняни йеңи соғуқ мунасивәтләр уруши билән агаһландурди
Сабиқ совет иттипақи рәһбири, 83 яшлиқ михайил горбачов берлин шәһиридә өткүзүлгән берлин теминиң йиқитилғанлиқиниң 25 йиллиқини хатириләш паалийитидә сөз қилип, дуняниң қайтидин соғуқ мунасивәтләр уруши босуғисида туриватқанлиқини тәкитлиди.
Ройтерсниң хәвәр қилишичә, горбачов "нөвәттә дуня йеңи соғуқ мунасивәтләр уруши гирвикидә турмақта. Һәтта бәзиләр униң аллиқачан башлинип болғанлиқини ейтишмақта" дегән һәмдә ғәрб дөләтлирини русийә билән диалог өткүзүш арқилиқ һазирқи җиддийликини ахирлаштурушни оттуриға қойған.
Горбачов сөзидә "явропа вә оттура шәрқтики қанлиқ тоқунушлар, дуня қудрәтлик дөләтлири арисидики диалогниң үзүп ташлиниши қаттиқ әндишә пәйда қилиду" дәп тәкитлигән.
Михайил горбачов русийә һөкүмитигә вакалитән бу паалийәткә қатнашти.
Горбачов совет иттипақиниң тунҗи вә ахирқи президенти болуп, у 1989 - йилидики берлин теминиң йиқитилиши вә 1991 - йилидки совет иттипақиниң йимирилишидә һәл қилғуч рол ойниған иди. У йеқинқи вақитлардин буян қирим вә украина мәсилиси түпәйлидин ғәрб билән русийә арисида пәйда болған җиддийликләр үстидә пикир баян қилған иди вә өзиниң русийә - ғәрб мунасивәтлириниң техиму начарлишип кетишигә болған әндишисини билдүргән иди.
- Америкада оқуп қайтқан доктор турсунҗан нурмәмәт билгәниң тутқунда икәнлики дәлилләнди
- Бихәтәр дөләткә кетимән дәп маракәштә тутулуп қалған идрис һәсәнниң тәқдири хәвп астида қалған
- Өлүм җазасидин қутулған содигәр абдуғаппар абдурусул ғулҗада қайтидин тутуп кетилгән
- Профессор гүлнар обулдики драматик "идийә өзгириши" уйғур көзәткүчиләрниң диққитини тартти
- Талибанлар бейҗиң билән мунасивәт қурушта уйғурларни дәсмайә қиламду?
