Гуаңдоңда бир қанчә он миң хәлқ әхләт көйдүрүш завути қурушқа қарши чиқти

Мухбиримиз үмидвар
2014-09-14
Share


Радиомиз хитай тили бөлүминиң хәвәр қилишичә, гуаңдоң өлкисиниң хуйҗо шәһири, боло наһийисидә шәнбә вә йәкшәнбә күнлири бир қанчә он миң адәм намайиш қилип, һөкүмәттин бу наһийидә йеңидин қурулмақчи болған әхләт көйдүрүш завути қурулушини тохтитишни тәләп қилған. Һөкүмәт зор сандики сақчи күчлирини ишқа селип намайишчиларни тарқитишқа урунған болуп, нәтиҗидә хели көп сандики адәм таяқ йегән вә 20 нәччә адәм тутуп кетилгән.

Мәзкур наһийә қурмақчи болған әхләт көйдүрүш завутиниң күндилик әхләт көйдүрүш миқдари 2600 тонна болуп, доңҗаң дәрясидин 1800 метир нериға җайлишидикән. Пуқралар дәря сүйиниң булғинишидин әндишә қилған болуп, бу һәтта хуйҗо, шенҗен, хоңкоң қатарлиқ шәһәрләргиму тәсир көрситидикән.

Хуйҗо шәһириниң боло наһийисидики хәлқ буниң муһит булғиниш вә кишиләрниң саламәтликигә еғир зиян елип келидиғанлиқидин әң әндишә қилған болуп, улар мундақ завутни өз тәвәсидә қурмаслиқни тәләп қилған. Бирақ һөкүмәт тәрәп, завутниң аһалилар районидин 10 нәччә километир йирақлиқта икәнлики, муһит вә хәлқ саламәтликигә тәсир көрсәтмәйдиғанлиқини илмий усулда тәкшүрүп бекиткәнликини көрсәткән.

Шәнбә күнидики намайишқа 20 миң адәм қатнашқанлиқи пәрәз қилинмақта. Намайиш йәкшәнбә күниму давамлашқан. Пуқралар коллектип қол қоюп, баянатнамә тәйярлап һөкүмәткә йоллиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт