Amérika razwédka ayropilanliri xitayning herbiy herikitini közitidiken

Filippin da'irilirining charshenbe küni ashkarilishiche, amérika razwédka ayropilanliri talash-tartishtiki déngiz tewelikide xitay herbiy paraxotlirining herikitini közitip, filippinni muhim uchurlar bilen teminleydiken.

Filippin tashqi ishlar bash katipni albért rosari'oning bildürüshiche, amérika déngiz armiyisining “3-P Ori'on” namliq tekshürgüchi ayropilani filippin bilen xitay taliship kéliwatqan déngiz tewelikide xitay herbiy paraxotlirigha a'it uchurlarni toplaydiken.

Amérika razwédka ayropilani teminligen uchurlarning muhimliqi heqqide toxtalghan rosari'o: elwette bu uchurlar bek muhim ehmiyetke ige. Biz peqet bizgila tewe bu térritoriyilerde néme heriketler boluwatqanliqini bilip turushimiz kérek, dédi.

Xitay pütün jenubiy xitay déngizining pütünley dégüdek özige tewe ikenlikini ilgiri sürüp, mezkur déngiz bilen chégrilinidighan filippin, malayshiya, wiyétnam qatarliq döletlerni bi'aram qilghan.

Filippin qatarliq döletler amérikidin yardem telep qilghan idi.

Amérika bügün filippin'gha bérilidighan herbiy yardem salmiqini yene ashuridiken.