Ichki mongghul shilin'ghul yayliqidiki mongghullar ot apitide köyüp ölgen charwiliri üchün tölem töleshni telep qildi

Muxbirimiz méhriban
2016-04-26
Share


Ichki monggholning shilin'ghul yayliqida aldinqi küni yüz bergen ot apitide mongghul charwichilirining qoy, kaliliri köyüp ölgen. Xitay hökümet taratquliri 18 - april yüz bergen ot apitining monggholiye döliti tereptin kelgenlikini we 22 - april seherde öchürüwélin'ghan ot apitide héchqandaq adem we mal mülük ziyan'gha uchrimighanliqini bildürgen. Emma mongghul charwichilar ot apitining xitayning chégra saqchiliri exlet köydürgenliki sewebidin yüz bergenlikini bildürüp, köyüp ölgen charwiliri üchün tölem telep qilmaqta.

Radiyomiz igiligen ehwallardin melum bolushiche, 23 - apréldin 25 - aprilghiche 200 din artuq mongghul charwichi hökümet binasi aldigha yighilip naraziliq bildürgen we köyüp ketken charwiliri üchün tölem telep qilghan.

26 - April seyshenbe küni radiyomiz ziyaritini qobul qilghan bir mongghul charwichi ehwalni bayan qilip: “ Emeliyette nurghunlighan charwichilar ot apitige chégra qisimlirining sewebchi ikenlikini bilidu. Hökümet otning mongghuliye tereptin tutashqanliqini xewer qildi. Emma kéyin mongghuliye terep buni inkar qildi. Nurghun charwichilar otning chégra qarawulliri exletlerni bir terep qilghan chéghida yüz bergenlikini bilidu. Bizning charwilirimiz köyüp ketti, yarilan'ghanlarmu bar. Hökümet terep ehwalni tekshüridighanliqini bildürgen idi, emma hazirghiche bizge jawab bermidi. Shunga biz tünügün we aldinqi künliri naraziliq bildürduq. Anglisaq tünügün ular yighin échiptu, qandaq qarar aldi, hazir biz héchnime bilmeymiz” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet