Güzelnur xanim 3-ay mezgilide türmidiki ilham toxtini yoqlaydighanliqini bildürdi

Muxbirimiz méhriban
2016.02.29
Share on WhatsApp
Share on WhatsApp

Xitay hökümiti teripidin döletni parchilash we milliy bölgünchilikke qutratquluq qilish jinayiti artilip, muddetsiz qamaq jazasigha höküm qilin'ghan Uyghur ziyaliysi ilham toxtining ayali güzelnur, radi'omiz ziyaritini qobul qilip, bu yil 3-ay mezgilide türmidiki ilham toxtini yoqlaydighanliqini bildürdi.

28-Féwral radi'omiz gu'angdung bölümining xongkongdiki muxbirining ziyaritini qobul qilghan güzelnur xanim, 2014-yili 23-séntebir höküm élan qilin'ghandin kéyin, éri ilham toxtini her üch ayda bir qétim yoqlashqa ruxset qilin'ghan bolsimu, emma bultur 7-aygha kelgende andin özining baliliri bilen bir qétim yoqliyalighanliqini, bultur 10-ayda ilham toxtining akisi we apisining türmige bérip uni yoqlash pursitige érishkenlikini bildürdi.

Ötken hepte radi'omiz ziyaritini qobul qilghan ilham toxtining ayali güzelnur xanim, xitayning chaghan mezgilide ilham toxtini yoqlimaqchi bolghan bolsimu, emma salametliki yaxshi bolmighanliqi we éyjingda balilirini béqish, oqutushta köp qiyniliwatqanliqi üchün, ürümchige bérip érini yoqlashqa imkani bolmighanliqini, emma ilham toxtining atushtiki 2-akisi uni yoqlash üchün ürümchige barghan bolsimu, emma ilham toxti bilen körüshelmigenliki qatarliqlarni bildürgen we bu ehwallar inkas qozghighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.