Рабийә қадир ханим мартин әнналс мукапати фондиға миннәтдарлиқ билдүрди

Мухбиримиз шөһрәт һошур
2016-10-12
Share

Уйғур миллий һәрикити рәһбири рабийә қадир ханим бүгүн, муддәтсиз қамақтики илһам тохтиға мукапат бәргән мартин әнналс фондиға миннәтдарлиқ билдүрди.

Мәзкур тәшкилатниң уйғур хәлқиниң нөвәттики ечинишлиқ вәзийитини әйнән көрәлигәнликигә апирин оқуған рабийә қадир ханим, бу мукапатниң уйғурлар үчүнла әмәс, дунядики диктаторилиқ вә мустәмликичиликкә қарши көрүш қиливатқан барлиқ милләтләргә мәдәт вә илһам болидиғанлиқини тәкитлиди.

Рабийә ханим бу һәқтә радиомизға бәргән баянатида, илһам тохтиниң хитайдәк дуняниң әң диктатор бир дөлитиниң пайтәхтидә, бешида тапанча тәңлинип туруватқан бир вәзийәттә, уйғур хәлқиниң миллий вә сиясий ирадисини шараит мумкинчилики даирисидә әкс әттүргәнликини вә униң бу йолда көрсәткән җасаритиниң нөвәттики йилларда мисали аз учрайдиған бир җасарәт икәнликини әскәртти.

У сөзиниң ахирида, қамақтики илһам тохтиға вә униң аилә-тавабиатиға, бу мукапат сәвәби билән уйғур хәлқиниң авазиниң дуняға йәнә бир қетим яңришиға вәсилә болғанлиқиға уйғур хәлқи намидин рәһмәт ейтти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт