Uyghur élidiki kelkünde 99 ming ahale apetke uchridi, 1500 öy örülüp chüshti

Muxbirimiz méhriban
2015.06.30

29-Iyun düshenbe küni yüz bergen qattiq yamghur we yamghurdin kéyinki kelkün apitide, Uyghur élining ili derya wadisi, ürümchi, aqsu, sanji qatarliq 9 sheher, 19 nahiyide 99 ming ahale apetke uchrap, 1500 öy örülüp chüshkenliki melum boldi.

Xitayning junggo xewerler torining bu heqtiki deslepki xewiridin melum bolushiche, apet ili derya wadisidiki toqquztara, tékes, künes, mongghulküre, ghulja nahiyiliride éghir bolghan. Nöwette bu jaylarda öyliri örülüp chüshken 4500 a'ile turalghugha yötkep orunlashturushqa, 2500 kishi yémeklik we turmush buyumlirigha jiddiy éhtiyajliq iken. Kelkün apitide kishilerning mal-charwa,öy-sayman, hetta aptomobillirimu éqip ketken bolup, xitay hökümet xewerliride bu qétimqi biwasite iqtisadiy ziyan yene éniqliniwatqanliqi xewer qilindi.

Radi'omiz Uyghur bölümimu bügün apet éghir bolghan ili derya wadisidiki nahiye, yézilargha téléfon qilip, apetning ehwalini igilidi. Bügünki mexsus sehipilerdiki anglitishimizda apet heqqide yerliktin igiligen melumatlarni anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.