Америка дөләт ишлири министири җон керри давамлиқ иран тәрәп билән сөһбәт өткүзүш үчүн америкида өткүзүлидиған әдвард кеннәдини хатириләш паалийитигә қатнишиш пиланини әмәлдин қалдурди. Шәнбә күни иранниң ядро пилани бойичә алтә дөләт ташқи ишлар министирлириниң сөһбитидә бир қәдәр илгириләш болғанлиқи қәйт қилинған болуп, 31 - март күни алтә тәрәп сөһбити ахирқи басқучқа кирип, иран билән келишим һасил қилиши мумкин икән.
Б б с ниң хәвәр қилишичә, 31 - март күни келишим һасил қилишқа қатнишиш үчүн германийә, франсийә ташқи ишлар миниситирлириму кәрриниң иран тәрәп билән сөһбәт өткүзүш гурупписиға киргән. Русийә, хитай вә әнглийә ташқи ишлар министирлири 29 - март күни йетип келип сөһбәткә қатнашқан.
Германийә ташқи ишлар министири 12 йиллиқ сөһбәтниң ахирқи басқучқа киргәнликини билдүргән болуп, иран ташқи ишлар министири икки тәрәпниң сөһбитиниң илгириләшләргә еришкәнликини әскәрткән. Мәлум болушичә, иран тәрәп уран тавлаш мәсилисидә хәлқара җәмийәтниң өзигә қаратқан имбарголирини тохтитишни тәләп қилған,
