Иранниң ядро мәсилисидә келишим һасил қилинди

2013-11-24
Елхәт
Пикир
Share
Принт

Америка башлиқ 6 дөләтниң иран билән җәнвәдә өткүзгән уран тавлашни тохтитиш сөһбити мувәппәқийәтлик ахирлишип, дәсләпки қәдәмдә келишим һасил қилинди. Бирләшмә агентлиқиниң хәвәр қилишичә, җәнвәдә өткүзүлгән бу сөһбәткә америка, русийә, германийә, әнглийә, франсийә, хитай қатарлиқ 6 дөләтниң ташқи ишлар министирилири қатнашқан болуп, америка дөләт ишлири министири җон керри мәзкур келишимни иранниң ядро мәсилисини һәл қилиштики биринчи қәдәм дәп атиған.

Келишимниң вақти 6 ай болуп, бу алтә ай ичидә иранниң ядро мәсилисини омумйүзлүк һәл қилидиған лайиһиси түзүп чиқилидикән шуниңдәк иран алтә ай ичидә келишим маддилирини әмәлгә ашурмиса, униңға қарита техиму күчлүк имбарго қоюлидикән.

Иран тәрәп уран тавлашни вақитлиқ тохтитишқа мақул болған болсиму, әмма иран ташқи ишлар министири уран тавлашниң иранниң һоқуқи икәнликини тәкитлигән.

Америка қатарлиқ 6 дөләтниң иран билән түзгән мәзкур келишими америка президенти барак обама тәрипидин қарши елинған болуп, «бүгүн елан қилинғини биринчи қәдәмдин ибарәт, нәтиҗидә мол, биз иранниң ядро пиланиниң давамлиқ илгирилишини тостуқ» дегән

Әгәр иран пурсәтни тутса, иран хәлқи хәлқара җәмийәткә қайтип келиду вә буниңдин мәнпәәтдар болиду. Бизму қәдәмму - қәдәм икки дөләт арисидики өзара ишәнмәсликини бикар қилимиз» дәп тәкитлигән.

Толуқ бәт