Gherb dunyasi xitaydiki "Irqi qirghinchiliq" mesiliside sinaqqa duch kelmekte

Muxbirimiz jewlan
2021-01-29
Share

Amérikining sabiq tashqi ishlar ministiri mayk pompéyo 19-yanwar xitayning Uyghurlargha yürgüzüp kelgen jinayitini "Irqiy qirghinchiliq" dep jakarlighandin kéyin, amérika bashliq gherb dunyasining "Bu jinayetni irqiy qirghinchiliq dep atighandin kéyin xitay bilen qandaq munasiwet baghlash" mesilisige duch kéliwatqanliqi melum.

"Wal strét zhurnili" da 29-yanwar élan qilin'ghan bir maqalide amérika bashliq gherb dunyasining xitaydiki "Irqiy qirghinchiliq" qa höküm bergendin kéyin xitay bilen bolidighan siyasiy we iqtisadiy munasiwetlerde chong sinaqqa duch kélidighanliqi otturigha qoyulghan bolup, amérika birinchi bolup jakarlighan bu bayanatning gherb elliri bilen xitay munasiwetlirige belgilik derijide tesir körsitidighanliqi, wijdan bilen menpe'et otturisida qandaq toqunushlarning meydan'gha kélidighanliqi tehlil qilin'ghan.

Maqalide bildürülüshiche, tramp hökümitining axirqi künlerde xitayning jinayitini "Irqiy qirghinchiliq" dep jakarlishida sabiq tashqi ishlar ministiri mayk pompéyo alahide rol oynighan. Yéngi tashqi ishlar ministiri antoni bilinkénmu bu bayanatqa awaz qoshup, "Xitay heqiqeten irqiy qirghinchiliq yürgüzüwatidu" dégen. Emma xitay yenila amérika bilen soda qiliwatqan 2-chong iqtisadiy dölet. Eger amérika xitay bilen qayta yaxshiliship qalsa, "Irqiy qirghinchiliq" bayanatimu külkilik bir gepke aylinip qalidu. Amérika we yawropa döletliridiki nurghun shirketler xitay bilen bolidighan sodisini üzelmey kéliwatqan bolup, "Irqiy qirghinchiliq" bayanatidin kéyinmu bu sodilirini dawamlashturidighan yaki dawamlashturmaydighanliqi éniq emes iken. Kishilik hoquqni qoghdaymiz dep kéliwatqan chong shirketlerning "Irqiy qirghinchiliq" yürgüzüwatqan xitay bilen soda qilish mesilisimu chong sinaqqa duch kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet