Меиһрай мезенсоф: "әгәр бизниң ирқий қирғинчилиққа учришимиз сахта болса, мениң ерим қәйәрдә?"

Мухбиримиз әркин
2021-06-11
Share

Бу йил 4-айда хитай һөкүмити тәрипидин 25 йиллиқ қамаққа һөкүм қилинған мирзат таһирниң австралийәлик аяли меһрай мезенсоф әнглийә "Sky хәвәрлири" қанилиниң зияритини қобул қилип, хитай даирилиридин йолдишиниң из-дерикини беришни тәләп қилған.

У "мән пәқәт йолдишимниң һаят икәнлики, униң қандақла болса яхши турғанлиқини билгүм …. . . Униң авазини аңлиғум бар" дегән. Униң ейтишичә, униң бирдин-бир гунаһи униң "уйғур болуп қалғанлиқи" икән.

Мирзат таһир билән меһрай мезенсоф 2016-йили үрүмчидә той қилған болуп, у тунҗи қетим 2017-йили 4-‍айда тутқун қилинған вә униң ‍өткән йили 9-айда 3-қетим қайта тутқун қилинип, бу йил 4-айда 25 йиллиқ кесилгәнлики мәлум болған. "сикай( Sky) хәвәрлири" ниң ейтишичә, мирзат таһир 2014-вә 2015-йили түркийәгә барғанлиқи үчүн "бөлгүнчилик" билән әйиблинип кесилгән.

Меиһрай мезенсоф өзлириниң һечқандақ сиясий муддиаси йоқлуқи, йолдишиниң бундақ әйиблинишиниң "әхмиқанилик" икәнликини билдүргән. "сикай хәвәрлири" ниң ейтишичә, әнглийә парламент әзаси сир иян дункан симис буниңға инкас билдүрүп, санаәтләшкән 7 дөләт рәһбәрлирини тез һәрикәткә өтүшкә чақирған. У: "әнглийә хитайниң уйғур вә башқа аз санлиқ милләт аммисини хорлишиға'әмди көз юмалмайдиғанлиқини‹, әнглийә вә башқа ғәрб дөләтлирини хитай билән "қандақ сода қилишни қайта ойлишиши керәклики" ни билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт